काठमाडौं – सिनामंगल स्थित ब्रिजवाटर एजुकेशन फाउण्डेशनले आज राष्ट्रीय नाचघरमा "दोस्रो ब्रिजवाटर अभिनन्दन कार्यक्रम-२०८१" सम्पन्न गरेको छ।
उक्त भव्य समारोहका बीच नेपालको राष्ट्रिय जीवनमा उल्लेखनीय योगदान पुर्याउनु हुने तीन जना ख्यातिप्राप्त विशिष्ट व्यक्तित्वलाई अभिनन्दन गरेको हो।
बार्षिक रुपमा गरिने सो अभिनन्दन समारोहको मुख्य अतिथि माननीय स्वास्थ्य एवं जनसंख्या मन्त्री प्रदिप पौडेल थिए। माननीय मन्त्रीले आफ्नो मन्तव्यमा ब्रिजवाटर एजुकेशन फाउण्डेशनले अभिनन्दनको उत्कृष्ट परम्परा कायम गर्दै अगाडि बढेकोमा ब्रिजवाटर एजुकेशन फाउण्डेशनका लागि प्रशंसा र शुभेच्छा प्रकट गरेका थिए।
अभिन्दित व्यक्तितवहरुमा शिक्षातर्फः शिक्षाविद प्रा. डा. मनप्रसाद वाग्ले, पत्रकारिता तर्फ वरिष्ठ टेलिभिजन पत्रकार एवं अन्तर्वार्ताकार श्री दिलभुषण पाठक एवं बैकिङ एवं वित्त तर्फ राष्ट्रीय वाणिज्य बैंकका मुख्य कार्यकारी अधिकृत सिए देवेन्द्र रमण खनाल थिए।
यो समारोहको अध्यक्षता ब्रिजवाटर एजुकेशन फाउण्डेशनका अध्यक्ष सिए दीपक पाण्डेले गरेका थिए। अभिनन्दन-स्वागत एवं बिदाइ कार्यक्रमको महत्वको बारेमा बोल्दै फाउण्डेशनका अध्यक्ष पाण्डेले भने “आज अभिनन्दित व्यक्तित्वहरू हाम्रा लागि मार्गदर्शक प्रेरणास्रोत हुनुहुन्छ र वहाँहरुको जीवन र कार्यले हामीलाई सही मार्गतर्फ प्रेरित गरिरहनेछ साथै वहाँहरुलाई सम्मान गर्न पाउँदा ब्रिजवाटर परिवार धन्य भएको छ”।
अभिनन्दित व्यक्तित्वहरूले पनि धन्यवाद सहित आफ्नो सारगर्भित मन्तव्य मार्फत फाउण्डेशन परिवार एवं विद्यार्थीहरुको उतरोत्तर प्रगतिको कामना गरेका थिए। उनीहरूले आफ्नो जीवन अनुभवको सार व्यक्त गर्दै नयाँ पुस्तालाई शिक्षा र कर्मको क्षेत्रमा अगाडि बढ्न प्रेरित गरेका थिए।
यो कार्यक्रममा कलेजका शिक्षक, विद्यार्थी, पत्रकार, शुभेच्छुक र विभिन्न क्षेत्रका विशिष्ट व्यक्तिहरूको उपस्थिति रहेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
