जनकपुर बोल्ट्सले गर्यो प्लेअफको यात्रा शुभारम्भ

क्रिकेट

नेपाल लाइभ बिहीबार, मंसिर २७, २०८१ १६:१०

काठमाडौं– नेपाल प्रिमियर लिग (एनपीएल) मा जनकपुर बोल्ट्सले प्लेअफको यात्रा शुभारम्भ गरेको छ।

बिहीबार काठमान्डु गुर्खाजलाई ५ विकेटले पराजित गर्दै पाँचौ जित हात पारेको जनकपुरले लिगको अन्तिम खेल खेल्नुअघि नै प्लेअफमा स्थान पक्का गरेको हो।

जनकपुरले ६ खेल खेल्दा ५ जितसहित १० अंक जोडेर शीर्ष स्थानमा उक्लेको छ।

कीर्तिपुरस्थित टीयू अन्तर्राष्ट्रिय मैदानमा भएको खेलमा काठमान्डुले दिएको १०२ रनको लक्ष्य पछ्याएको जनकपुरले १५.५ ओभरमा ५ विकेट गुमाएर १०४ रन बनाउँदै लक्ष्य पूरा गरेको हो।

जनकपुरको जितमा जीमी नीशमले १७ बलमा १ चौका र३ छक्का मदतमा सर्वाधिक २७ रन बनाए। हर्श थाकरले अविजित २५ रन योगदान गरे। उनले २५ बल खेल्दा १ चौका र १ छक्का प्रहार गरे।

लाहिरु मिलान्थाले १६ र कप्तान अनिल साहले ११ रन बनाए। मोहम्मद मोहसिनले अविजित १३ रन जोडे। बलिङमा काठमान्डुका करण केसीले २ तथा शाहब आलम, जेर्राड एरासमस रदिपेश कँडेलले समान १ विकेट लिए।

त्यसअघि जनकपुरका ललित राजवंशीले उत्कृष्ट बलिङ गर्दै ३ विकेट लिएपछि टस जितेर पहिले ब्याटिङ गरेको काठमान्डु जनकपुरको धारिलो बलिङ सामु टिक्न नसक्दा १९.३ ओभरमा सबै विकेट गुमाएर १०१ रनमा अलआउट भएको थियो।

काठमान्डुका लागि जेरार्ड एरासमसले सर्वाधिक २०, करण केसील १९ र स्टेफेन इसक्नाजीले १७ रन बनाए। बाँकीले दोहोरो अंकमा रन बनाउन सकेनन्।

बलिङमा जनकपुरका लागि ललितले ४ ओभरमा २ मेडन राख्दै ८ रन मात्र खर्चेर ३ विकेट लिए। शेर मल्लले ३.३ ओभरमा ११ रन खर्चेर ३ विकेट नै लिए। मोहम्मद मोहसिनले ४ ओभरमा १८ रन खर्चेर २ विकेट लिए। किशोर महतो र अरनिको यादवले समान १ विकेट लिए।

यस खेलमा अजनकपुरका कप्तान अनिल शाहले कीर्तिमानी ५ क्याच लिए। उनले नपालको फ्रेन्चाइज लिगमा एकै खेलमा ५ क्याच गर्ने कीर्तिमान बनाए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधान सेनापतिलाई भारतीय सेनाको मानार्थ महारथीको दर्ज्यानी चिन्ह प्रदान

नेपाल सुपर लिग चैत १६ देखि सुरू हुने

त्रिवि क्रिकेट मैदानबाटै क्यानले गर्यो यू-१९ महिला एसिया कप खेल्न जाने टोलीको बिदाई