काठमाडौं–नेपाल प्रिमियर लिग अन्तर्गत आज भइरहेको जनकपुर बोल्ड्स र सुदूरपश्चिम रोयल्सबीको खेलमा जनकपुरले चार ओभरमै पाँच विकेट गुमाएको छ।
१२४ रनको सामान्य लक्ष्य पाएको जनकपुरले पनि खराब सुरुवात गरेको छ। चार ओभरको समाप्तिमा जनकपुरले पाँच महत्वपूर्ण विकेट गुमाएको छ। जारी लिगको पाँचौं खेलसम्म आउँदा उत्कृष्ट फर्ममा रहेका ओपनर अनिल साह र आशिफ खेललाई जनकपुरले सस्तैमा गुमाएको हो।
सात बल खेलेका अनिल शून्य रनमै पेभिलियन फर्किए। जारी लिगमा शून्यमा आउट भएको उनको यो पहिलो पटक हो। उनी सेफ जैबबाट बोल्ड भएका हुन्।
यस्तै अर्का ओपनर शेख पनि मात्र चार रनमा आउट भए। उनलाई दीपेन्द्र सिंह ऐरीले स्कट कुग्लिजिएनबाट क्याचआउट गराए। यस्तै हर्ष ठाकरलाई जनकपुरले तेस्रो विकेटका रुपमा गुमायो। तेस्रो ओभरको अन्तिम बलमा तीन रन लिने क्रममा ठाकर रनआउट भएका हुन्।
चौथो ओपरमा बलिङ गर्न आएका इसान पाण्डेले हार्ड हिटरका रुपमा परिचित लाहिरु मिलान्थाको विकेट चट्काउँदै जनकपुरलाई दबाबमा राखेका छन्। मिलान्थालाई पाण्डेले आरिफ शेखबाट क्याचआउट गराए। यस्तै पाँचौं विकेटका रुपमा शुभ कंसाकार आउट भएका छन्। पाण्डेले नै उनको विकेट लिएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
