काठमाडौं– नेपाल प्रिमियर लिगको उपाधि दाबेबार मानिएका दुई टिम सुदूरपश्चिम रोयल्स र जनकपुर बोल्ड्सबीच अहिले खेल जारी छ।
त्रिवि क्रिकेट मैदानमा जारी खेलमा सुदूरपश्चिम रोयल्सले जनकपुरलाई १२४ रनको लक्ष्य दिएको छ। निर्धारित २० ओभरमा ९ विकेट गुमाउँदै सुदूरले १२३ रन बनाएको हो।
उत्कृष्ट सुरुवात पाएको सुदूरपश्चिमका दुवै ओपनर गएपछि भने त्यसपछि आएका कुनै पनि ब्याटरले सम्झनलायक रन बनाउन सकेनन्।
सुदूरपश्चिमका लागि विनोद भण्डारीले सर्वाधिक ३३ रन बनाउँदा सेफ जैबले २१, इसान पाण्डेले १७ र ब्रान्डन म्याकमुलेनले ११ रन बनाउनुबाहेक अन्यले दोहोरो अंकमा रन बनाउन सकेनन्।
बलिङतर्फ जनकपुरका किशोर महतोले महत्वपूर्ण चार विकट लिए। शेर मल्ल र अरनिको यादवले २/२ तथा हर्ष ठाकरले १ विकेट लिए। जनकपुरले लगातार चार खेल जितेको छ भने सुदूरपश्चिमले चारमा तीन जित र एकमा हार व्यहोरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789383080.png)
