काठमाडौं– त्रिवि अन्तर्राष्ट्रिय क्रिकेट मैदानमा जारी सिद्धार्थ बैंक नेपाल प्रिमियर लिगमा आजसम्म १५ वटा खेल सकिएका छन्।
आजसम्म भएका खेलहरुलाई मध्येनजर गर्ने हो भने तीन टीम प्लेअफका लागि बलियो स्थितिमा छन्। चार खेलमा चारै जित निकाल्दै आठ अंकसहित जनकपुर बोल्ड्स पहिलो दाबेदार देखिएको छ। यस्तै तीन/तीन खेलमा जित र एक/एकमा हारसहित सुदूरपश्चिम र चितवन राइनोज पनि दौडमै छन्।
यता कर्णाली याक्स पनि चार खेलमा दुई जित र दुई हारसहित चार अंकसहित चौथो स्थानमा छ। तीन/तीन खेल खेलेका पोखरा एभेन्जर्स र काठमाडौं गुर्खाज् पनि प्लेअफमा जान सक्ने टिममध्ये नै छन्।
चारमा एक जित र तीन खेल हारेको विराटनगर किङ्सले पनि बाँकी तीन खेलमा जित हात पार्नसके प्लेअफ जानसक्ने सम्भावना बाँकी नै छ। तर राष्ट्रिय टिमका कप्तानसमेत रहेका लुम्बिनी लायन्सको सम्भावना भने न्यून छ।
लुम्बिनीको यि टिमको प्रदर्शनमाथि भर
समूहचरणमा टम चार टिम नै प्लेअफमा पुग्ने हुन्। अब लुम्बिनीका लागि यदि प्लेअफमा पुग्ने हो भने कर्णाली, पोखरा र काठमाडौं गुर्खाज्को प्रदर्शनले पनि निर्भर छ। जनकपुर, सुदूरपश्चिम र चितवन रोयल्सलाई लुम्बिनीले भेट्टाउन सक्ने सम्भावना देखिँदैन।
लुम्बिनीले बाँकी तीनै खेलमा जित हात पारे पनि जनकपुरको अहिलेको अंकभन्दा दुई अंक कम हुनेछ। यस्तै सुदूरपश्चिम र चितवनको समान ६/६ अंक छ। यदि यी दुई टिमसँग अंक बराबरी गरेर रनरेटमा प्रतिस्पर्धा गर्ने हो भने पनि यी दुवै टिमले बाँकी रहेका तीनै खेल हार्नुपर्ने हुन्छ र लुम्बिनीले तीनै खेल जित्नुपर्छ।
तर सुरुवातदेखि नै बलियो देखिएका सुदूरपश्चिम र चितवनले बाँकी तीन खेलमा सबै हार्ने सम्भावना देखिँदैन। यदि त्यो सम्भावना रह्यो भने पनि लुम्बिनीका लागि नेटरनरेट बाधक बन्नेछ।
अब लुम्बिनीका लागि कर्णाली, पोखरा र काठमाडौं गुर्खाजका अगाडि हुने खेलले निर्भर गर्नेछ। जितविहीन लुम्बिनीका लागि सोचेजस्तो सहज छैन। अहिलेसम्मका चार खेलको प्रदर्शन हेर्ने हो भने बाँकी तीनै खेलमा जित निकाल्नसक्ने सम्भावना पनि न्यून नै छ। १९१ रनको लक्ष्य विराटनगरसँग जोगाउन सकेन।
त्यसपछि पोखरा एभेन्जर्सलाई १७१ रनको लक्ष्य दिए पनि १० विकेटको हार व्यहोर्यो। यता आज भएको खेलमा पनि १३७ रनको लक्ष्यसमेत चेज गर्न सकेन। सुदूरपश्चिमसँग पनि नराम्रो हार व्यहोरेको छ।
यस्तोमा अहिले अंकविहीन लुम्बिनीको रनरेट माइनस १ दशमलव शूनय ५१ रहेको छ। मंगलबार चितवन राइनोजसँग, बुधबार काठमाडौं गुर्खाज् र अन्तिम खेल शुक्रबार कर्णाली याक्ससँग छ। यी तीनै टिम त्यति कमजोर छैनन्।
यदि कर्णाली याक्सले बाँकी खेलमा दुई जित र एक हार व्यहोर्दा पनि लुम्बिनीले कर्णालीभन्दा माथि जान सक्दैन। एक हार र दुईमा जित निकाल्दा र लुम्बिनीले तीनै खेल जित्दा पनि रनरेट उच्च बनाउनुपर्ने हुन्छ।
यता काठमाडौं गुर्खाज् र पोखरा एभेन्जर्सले भने खेलमा राम्रो प्रदर्शन गर्न नसक्दा पनि लुम्बिनीले तीनै खेल जितेको अवस्थामा भने कर्णालीसँग प्रतिस्पर्धी बन्ने सम्भावना केही रहन्छ। नत्र अब पर्सी हुने खेलमा लुम्बिनीले हार्यो भने सिधै प्लेअफको बाटो बन्द हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749277953.jpg)
-1764146706.png)
