काठमाडौं– जारी नेपाल प्रिमियर लिगको सबैभन्दा महँगो टिम पोखरा एभेन्जर्स पहिलो खेलमै ध्वस्त भएको छ।
१६२ रनको चुनौतीपूर्ण लक्ष्य पछ्याएको पोखरा मात्र १३ दशमलव २ ओभरमै ७४ रन बनाउँदै अलआउट भयो। पोखराको हारमा टप अर्डर कोल्याप्स हुनु हो। मात्र तीन जना बलरले नै पोखराका टप अर्डरलाई दोहोरो अंकमा रन बनाउन नदिएरै पेभिलियन फर्काइदिए।
टस जित्दै पहिले फिल्डिङ रोजेको पोखरालाई चितवन एभेन्जर्सले १६२ रनको लक्ष्य दिएको थियो। तर जवाफी ब्याटिङमा पोखरा पहिलो पावर प्लेमै ध्वस्त भयो।
चितवनले चार ओभरमै पोखराको ६ विकेट निकालेको थियो। त्यसपछि लगातार विकेट जाँदा मात्र ७४ रनमै अलआउट हुनपुग्यो। चितवन भने ८७ रनको फराकिलो अन्तरले जित्न पुग्यो। पहिलो ओभरमा सोहेल तन्वीरले तीन विकेट लिएर दबाबमा राखेका थिए।
चौथो ओभर बलिङ गर्न आएका रिजन ढकालले पनि आफ्नो ओभरमा तीन विकेट लिँदै पोखराको टप अर्डर कोल्याप्स नै पारिदिए।
रिजनले मात्र २ रन दिँदै तीन विकेट लिए। किरन ठगुन्ना, माइकल लिस्क र दिनेश खरेल तीनै जनालाई एलबीडब्लु धरापमा पारे। दोस्रो बलमा १ रन बनाएका खरेललाई आउट गरेका ढकालले चौथो बलमा किरन ठगुन्ना र पाँचौं बलमा माइकल लिस्कलाई डकआउट गराए।
त्रिवि अन्तर्राष्ट्रिय क्रिकेट मैदानमा जारी नेपाल प्रिमियर लिगमा पोखरा एभेन्जर्सले पहिलो ओभरमै तीन विकेट थियो।
१६२ रनको लक्ष्य पछ्याएर चितवन राइनोजविरुद्ध उत्रिएको पोखराले पहिलो ओभरमै तीन विकेट गुमाएको हो। पोखराका ओपनर तथा कप्तान कुशल भुर्तेल र बास डि लिडे गोल्डेन डकआउट भएका छन्।
यस्तै दिलीप नाथ भने एक चौका हानेपछि क्याच आउट भए। तीनै विकेट चितवनका सोहेल तनवीरले लिएका हुन्।
भुर्तेल पहिलो बलमै रवि बोपाराबाट क्याच आउट भएका थिए। त्यसपछि क्रिजमा आएका नाथ पनि चौथो बलमा दीपक बोहोराबाट क्याच आउट भए। उनले एक चौका हानेका थिए।
त्यसपछि आएका बास डि लिडे पनि छटौं बलमा क्यूक बेन्केस्टिनबाट क्याच आउट भएका थिए। यस्तै ल्यूक बेन्केन्स्टिनले पनि तीन विकेट लिँदा दीपक बोहोराले भने एक विकेट लिए।
ल्यूकले मार्कस क्रिच्ली, नारायण जोशी र रेयमन रिफेयरको विकेट लिए। पोखराका लागि आज मात्र दुई जना ब्याटरले दोहोरो अंकमा रन बनाउन सके। नारायण जोशीले २४ बलमा तीन चौका र दुई छक्का प्रहार गर्दै ३० रन बनाए भने मार्कसले दुई चौकाको सहयोगमा १७ रन जोडे। यस्तो बीपीन खत्रीले ९ रन जोडे भने अन्य कुनै पनि ब्याटरले सम्झनलायक रन बनाउन सकेनन्।
चितवनले पहिलो खेलमा काठमाडौं गुर्खाज्लाई पराजित गरेको छ। पोखराको भने यो पहिलो खेल हो। चितवनको योसँगै लगातार दोस्रो जित भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768271809.png)
-1764146706.png)
