एनपीएल : चितवनसँग काठमाडौं ५ विकेटले पराजित

क्रिकेट

नेपाल लाइभ सोमबार, मंसिर १७, २०८१ १२:१३

काठमाडौं– सिद्धार्थ बैंक नेपाल प्रिमियर लिगको दोस्रो खेलमा आज चितवन राइनोजले विजयी सुरुआत गरेको छ।

बलरमैत्री पिचमा रन बटुल्न संघर्ष गर्दै चितवनले सोमबार काठमाडौं गुर्खाजलाई पाँच विकेटले पराजित गरेको हो।

काठमाडौंले दिएको ११२ रनको लक्ष्य चितवनले १७ ओभर १ बलमा ५ विकेट गुमाएर पूरा गर्‍यो । चितवनका सन्तोष कार्कीले सर्वाधिक अविजित २८ रन जोडे । ल्यूक मार्टिन बेनकेन्स्टाइले २२ रन बनाए।

पाकिस्तानका अनुभवी बलर सोहेल तनबीरको कसिलो बलिङमा काठमाडौं गर्खाज्‌का ब्याटरहरु चल्न नसक्दा रनस्कोर बढी बनाउन सकेन। निर्धारित २० ओभरमा ९ विकेट गुमाउँदै १११ रन मात्र बनाउन सक्यो।

काठमाडौंलाई मध्यम स्कोरमा समेट्नका लागि तनवीर एक्लैले पाँच विकेट लिए।
काठमाडौंका लागि सबैभन्दा बढी सुमित मर्जनले २९ रन बनाउँदा माइकल लेभिटले २५, शंकर राना र डेन डुथवाइटले १६/१६ रन बनाउनुबाहेक अन्य ब्याटरले दोहोरो अंकमा रन बनाउन सकेनन्।

यता चितवनका लागि तनवीरले पाँच विकेट लिँदा रिजन ढकाल, कुशल मल्ल, अमर रौतेदा र ल्युक बेन्केस्टिनले एक/एक विकेट लिए।

त्यसअघि त्रिवि अन्तर्राष्ट्रिय मैदानमा चितवनले टस जित्दै पहिला ब्याटिङको निम्तो काठमाडौंलाई दिएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनपीएल: गुल्सन झा आउट

सभामुखको राजीनामा माग्दै जनमतले भन्यो– ‘नश्चवादी निर्णय नसच्चाए संसद् अवरुद्ध गर्न बाध्य हुनेछौँ’

विश्वकै दुर्लभ ह्वेलको अनुसन्धानमा न्युजिल्यान्डका वैज्ञानिक