सुर्खेत– दैलेखको महाबु गाउँपालिकाको अध्यक्षमा नेकपा एमालेका जंगबहादुर शाही विजयी भएका छन्। उनले ३१२७ मत प्राप्त गरेका छन्। उनका निकटतम प्रतिद्वन्द्वी नेपाली कांग्रेसका झलकबहादुर भण्डारीले २६७५ मत प्राप्त गरे। उनीहरूबीच ४५२ मतको अन्तर रह्यो।
जंगबहादुर शाही यसअघि २०७४ मा पनि एमालेबाट अध्यक्ष निर्वाचित भएका थिए। २०५४ मा काँशीकाँध गाविसको उपाध्यक्ष भएका उनी २०७८ मा नेकपा (एकीकृत समाजवादी) प्रवेश गरेका थिए। तर, स्थानीय तह उपनिर्वाचनअघि कात्तिक अन्तिम साता पुनः एमालेमा फर्किएर उम्मेदवार बनेका थिए।
सोमबार सकिएको मतगणनामा नेकपा माओवादी केन्द्रका जंगबहादुर बरालले ८४२ मत प्राप्त गरे। रास्वपाका प्रकाशकुमार बुढाले ११२, नेमकिपाका दुर्गबहादुर मगरले ५३, राप्रपाका सुर्जे रावतले ३१, र नेकपा एकीकृत समाजवादीका जगत हमालले ४ मत प्राप्त गरे। पछिल्ला चार उम्मेदवारको धरौटी जफत भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786437116.jpg)
-1786513116.png)
