ब्याटिङ र बलिङमा पूजाको आक्रामक प्रदर्शनले कुवेतमाथि नेपाल १६५ रनले विजयी

क्रिकेट

नेपाल लाइभ मंगलबार, कात्तिक २७, २०८१ १४:११

काठमाडौं– १९ वर्ष मुनिको महिला टी–२० विश्वकप एसिया क्वालिफायरमा कुवतेमाथि नेपालले शानदार जित निकालेको छ।

कप्तान पूजा महतोको आक्रामक ब्याटिङ र बलिङको सहायतामा नेपालले कुवेतमाथि १६५ रनको फराकिलो जित निकालेको हो।

टस जितेर पहिला ब्याटिङ गरेको नेपालले निर्धारित २० ओभरमा मात्र दुई विकेट गुमाउँदै २१३ रन बनाएको थियो।

जवाफी ब्याटिङमा उत्रिएको कुवेत ४८ रन बनाउँदै अलआउट भयो। योसँगै यो प्रतियोगितामा नेपालको चौथो जित हो। पूजा महतो एक्लैले आज पाँच विकेट लिइन्। पूजाले एकै ओभरमा चार विकेटसमेत लिएकी छन्। यता ब्याटिङमा पनि उनले नटआउट १३० रन बनाएकी थिइन्।

अब विश्वकपमा जानका लागि नेपालले भोलि यूएईसँग अन्तिम खेल खेल्दैछ। भोलि यूएईसँग राम्रो रनरेटमा जित निकाल्न सकेन नेपाल विश्वकपमा जानेछ।

टी–२० फर्म्याटमा नेपालले उच्च स्कोरको रेकर्ड तोडेको छ। मंगलबार यू–१९ महिला विश्वकप एसिया क्वालिफायरमा नेपालले कुवेतविरुद्ध उच्च स्कोर बनाएको हो।

कुवेतविरुद्ध नेपालले निर्धारित २० ओभरमा मात्र दुई विकेट गुमाउँदै २१३ रनको विशाल स्कोर खडा गरेको हो। यसअघि उच्च स्कोर भुटानविरुद्ध यूएईको थियो।

सन् २०२२ मा भएको एसिया क्वालिफायरमा यूएईले निर्धारित २० ओभरमा एक विकेट गुमाउँदै २०२ रन बनाएको थियो।

कुवेतलाई सस्तैमा समेट्ने क्रममा नेपालकी कप्तान महतोले ४ ओभरमा एक मेडन रख्दै ८ रन दिएर ५ विकेट लिइन् । नेपालकी रचना कुमारी र सीमाना केसीले दुई/दुई विकेट लिइन् ।

कुवेतकी जीफा जिलानीले ३६ रन बनाउनबाहेक अरु कुनै पनि ब्याटरले दोहोरो अंक बनाउन सकेनन् । यसअघि दुबईस्थित दी सेभेन्स मैदानमा पहिले ब्याटिङ गरेको नेपालले २ विकेट गुमाएर २१३ रनको विशाल योगफल बनाएको थियो ।

नेपालकी कप्तान पुजा महतो ६९ बलमा १७ चौका मद्दतमा १३० र सोनी पाख्रिनले दुई चौकासहित ४३ रनमा अविजित रहे । उनीहरूले तेस्रो विकेटका लागि १५७ रनको साझेदारी गरे । सावित्रि धामी ११ र सान प्रविनले ६ रन जोडे ।

कुवेतकी जिफा जिलानी र रेलिन मारिया डी सोउजाले एक/एक विकेट लिए ।

प्रतियोगितामा पाँचमध्ये ४ खेल जितेको नेपालले यसअघि यूएईसँग मात्रै पराजित भएको छ । अब यूएईसँग बुधबार अन्तिम खेल खेल्ने छ ।

चार टोली सहभागी छनोट प्रतियोगितामा डबल राउण्ड रोविनका आधारमा खेल भइरहेको छ र शीर्ष स्थानमा रहने टोली मात्र यू-१९ महिला टी-२० विश्वकपमा छनोट हुनेछ ।

बुधबारको खेलमा नेपाल विजयी भएमा विश्वकपमा छनोट हुनेछ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मंसिर १२ गते भित्र बक्यौता बुझाउन उद्योगीलाई विद्युत् प्राधिकरणको ताकेता

६ लाख नगदसहित १३ जना जुवाडे पक्राउ

पृथ्वी राजमार्गको छिर्कने-देउराली सडकखण्ड दैनिक साढे ४ घन्टा अवरुद्ध