विश्वकप लिग २ : अमेरिका घरेलु मैदानमै स्कटल्याण्डसँग १० विकेटले पराजित

क्रिकेट

नेपाल लाइभ शनिबार, कात्तिक १०, २०८१ ०९:५५

काठमाडौं– आईसीसी क्रिकेट विश्वकप लिग टु अन्तर्गत घरेलु मैदानमै अमेरिका स्कटल्याण्डसँग १० विकेटले पराजित भएको छ।

खराब ब्याटिङ गरेको अमेरिकाले घरेलु मैदानमा लज्जासपद हार व्यहोरेको हो। डालासमा गएराती भएको खेलमा अमेरिकाले दिएको १४५ रनको लक्ष्य स्कटल्याण्डले २४.५ ओभरमाविना क्षती पूरा गरेको हो।

स्कटल्याण्डका लागि आन्द्रे उमिदले ७९ बलमा १३ चौका र २ छक्का मदतमा अविजित ९८ रन बनाए। यस्तै चार्ली टिमयरले अविजित ४३ रन योगदान गरे।

त्यसअघि टस हारेर पहिले ब्याटिङ गरेको अमेरिकाले ३८.४ ओभरमा अलआउट हुँदै १४४ रन बनाएको थियो। आठौं नम्बरमा ब्याटिङ गरेका स्याड्ली भान श्यालवाएकले अर्धशतक बनाएपछि अमेरिकाले एक सय रन कटाएको थियो।

स्याड्लीले ८७ बल खेल्दै १० चौका मद्दतमा सर्वाधिक ५८ रन बनाए। यस्तै हर्मित सिंहले २२ र नोसथुस केन्जिगेले २१ रन बनाउनु बाहेक अन्यले दोहोरो अंकमा रन जोड्न सकेनन्।

स्कटल्याण्डका लागि ब्राड करीले सर्वाधिक ४ विकेट लिए। ब्रान्डेन म्याकमुलेनले ३ तथा ब्राड ह्विलले २ विकेट लिए। जितपछि स्कटल्याण्ड ८ खेलबाट ११ अंक जोडेर चौथो स्थानमा उक्लेको छ।

पराजित अमेरिका ९ खेलबाट १२ अंकसहित दोस्रो स्थानमा छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ह्याप्पी हिल्स: स्काईवाक र मनमोहक दृश्य हेर्ने गन्तव्य

रविमाथि अनुसन्धान गर्न १५ दिन म्याद थप

कांग्रेसको केन्द्रीय कोषाध्यक्षमा उमेश श्रेष्ठ