बीपी राजमार्गमा भोलिदेखि रुटका सवारी साधन चलाइने

पूर्वाधार

नेपाल लाइभ सोमबार, असोज २८, २०८१ १३:०७

काठमाडौं- बाढी तथा पहिरोले क्षतिग्रस्त भएको बीपी राजमार्गमा मंगलबारदेखि रुटका सवारी साधनहरु चल्ने भएका छन्। वर्षासँगैको पहिरोका कारण क्षतिग्रस्त राजमार्गमा नयाँ ट्र्याक खुलाएर केही दिन अघिदेखि साना सवारीसाधन चल्न दिइएको थियो। भोलिदेखि रुटमा चल्ने सवारी साधन पनि चल्ने सडक डिभिजन भक्तपुरले जनाएको छ।

दशैंका लागि घर गएकाहरु फर्किने समय भएकाले यातायात व्यवसायीहरुले आजदेखि ठूला बसहरु समेत चलाउन खोजेका थिए। तर चौकीडाँडा र माम्ती खोला नजिक डाइभर्सनमा समस्या भएकोले चल्न सकेका छैनन्।

भकुन्डेबेसी बर्षेखोला खण्डमा अहिले पनि सुख्खा पहिरो झर्ने जोखिम छ। रातको समयमा यात्रा नगर्न समेत सबैलाई आग्रह गरेको छ। बीपी राजमार्गमा साना सवारी मात्र सावधानीपूर्वक सञ्चालन गर्न आग्रह गरेको छ।

असोज १०, ११ र १२ गतेको वर्षाका कारण यो राजमार्ग अवरुद्ध थियो । उक्त राजमार्ग अन्तर्गत काभ्रेको भकुण्डेबेसीदेखि वर्षेखोला खण्डको ८ किलोमिटर पूर्ण रूपमा बगाएको कार्यालयले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सभामुख घिमिरे र कम्बोडियाका प्रधानमन्त्रीबीच भेट, लुम्बिनी–अंगकोर सिधा हवाई उडान सुरु गर्न पहल

एनपीएल ट्रफीमा कालापत्थरको ढुंगा!

एनपिएलले नेपालको पर्यटन प्रवर्द्धन र युवा प्रतिभालाई उजागर गर्नेछ: प्रधानमन्त्री ओली