काठमाडौं– इजरायल र लेबनानी सीमामा शान्ति सेना छ।
त्यो सूचीमा नेपाली सैनिकहरू पनि कार्यरत छन्। तर अहिले तिनको सुरक्षामा प्रश्न खडा भएको छ।
हालसालै इजरायली आक्रमणमा परेर १५ शान्ति सैनिक घाइते भएका छन्। शान्ति सेनाको कार्यालय युनिफिलको गेट भत्किएको यूरोन्यूजले उल्लेख गरेको छ।
यूरोन्यूजका अनुसार इजरायली प्रधानमन्त्री बेन्जामिन नेतान्याहुले शान्ति सेना हटाउन महासचिव एन्तोनिओ गुतेरेसलाई चेतावनी दिएका थिए।
उनले भनेका थिए, ‘महासचिव ज्यू यूनिफिलको फौजलाई तत्काल नोक्सान हुने बाटोबाट हटाउनुस्।’
हालसालै घाइते हुनेहरूमा कति नेपालीहरू परे वा परेनन् भन्ने कुनै जानकारी सार्वजनिक भएको छैन। तर, इजरायलले संयुक्त राष्ट्रसङ्घलाई आगमन निषेध गरेको घोषणा गरेको छ भने अहिले शान्ति सेनाको फौज पनि हटाउन चेतावनी दिएको छ।
नेपाली सेनाका अवकाश प्राप्त उपरथी पूर्ण सिलवालले लेबनानको शान्ति सेना समस्यामा भएको यस अगाडि नै सार्वजनिक जानकारी दिएका थिए।
नेपाली सेनाले भने कुनै सार्वजनिक प्रतिक्रिया दिएको छैन। लेबनानमा ८०० बढी नेपाली शान्ति सेना छन्। नेपाल प्रेसले यो विषयमा औपचारिक जानकारी लिन नेपाली सेनाका प्रवक्ता गौरव कुमार केसीलाई सम्पर्क गर्दा फोन उठेन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
