क्रिकेटर धोनीका कप्तान समेत रहि सकेका आईपीएल चेन्नईका राजीव पोखरा एभेन्जर्सको मुख्य प्रशिक्षक

क्रिकेट

नेपाल लाइभ शनिबार, असोज २६, २०८१ १८:५२

काठमाडौं– पोखरा एभेन्जर्सले भारतीय पूर्व क्रिकेटर राजीव कुमारलाई मुख्य प्रशिक्षकको रुपमा नियुक्त गरेको छ।

नेपाल प्रिमियर लिग (एनपीएल)को फ्रेन्चाईज टोली पोखरा एभेन्जर्सले इन्डियन प्रिमियर लिग (आईपीएल)को क्लब चेन्नेई सुपर किंग्सका ब्याटिङ तथा फिल्डिङ प्रशिक्षक राजीवलाई मुख्य प्रशिक्षकको रुपमा नियुक्त गरेको हो।

राजीवले भारतको ए टिमबाट सन् १९९८ को अष्ट्रेलियाविरुद्ध र सन् १९९९ मा नेदरल्याण्डविरुद्ध खेलेका थिए। सन् १९९७÷९८ को रणजी ट्रफीमा राजीवले सर्वाधिक ८०९ रन प्रहार गरेका थिए।

राजीवले प्रशिक्षकको रुपमा झारखण्डको टिम, भारत ए, भारत ब्लू, हिमाञ्चल प्रदेश र चेन्नेई सुपर किंग्स लगायतका टिमबाट काम गरिसकेका छन्।

भारतको ‘फस्ट क्लास’ क्रिकेटमा क्रिकेटर महेन्द्र सिंह धोनीका कप्तान समेत रहि सकेका राजीवले धोनीलाई प्रशिक्षकको रुपमा प्रशिक्षण दिएका छन्।

पोखरा एभन्जर्सका मालिक सुबोध त्रिपाठीले कुमारलाई मुख्य प्रशिक्षकमा नियुक्त गरेपछि बधाई दिँदै कार्यकालको शुभकामना दिए।

नियुक्ती पछि कुमारले नयाँ यात्राको लागि खुसी भएको र नेपाल आउन उत्साहित रहेको प्रतिक्रिया दिए।

पोखराको मार्कीमा नेपाल राष्ट्रिय क्रिकेट टोलीका ओपनर कुशल भुर्तेल रहेका छन्। एनपीएल १५ मंसिरबाट ६ पुससम्म हुँदैछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चीन भ्रमणमा ऋणसम्बन्धी कुनै सम्झौता हुँदैन : प्रधानमन्त्री ओली

अस्वाभाविक अन्तर्राष्ट्रिय हवाई भाडा अध्ययन गर्न कार्यदल गठन

एक विज्ञप्ति जारी गर्दै बालेन र हर्कलाई गरे मुकुलले आह्वान