डडेलधुरा –डडेलधुरामा एक बालिकाको शव भेटिएको छ।
अमरगढी नगरपालिका-७ पोखरा बजारमा सोहि ठाउँकी १४ वर्षीया आरती भट्टराईको शव फेला परेको जिल्ला प्रहरी कार्यालय डडेलधुराका सूचना अधिकारी प्रहरी निरीक्षक उपेन्द्र बमले बताए।
गयराति ९ बजेपछि प्लास्टिकको बोरामा राखेर शव फ्याँकेको खुल्न आएको प्रहरीले बताएको छ। बलात्कारपछि हत्या गरेर शव फ्याँकिएको आशंका मृतकका आफन्तले गरेका छन्।
स्थानीयले शव रहेको राति सूचना दिएको र आज बिहान डीएसपी सुगन्ध श्रेष्ठको टोली घटनास्थलमा खटिएको प्रहरीले विज्ञप्ति निकालेर जनाएको छ।
सो क्रममा अमरगढी-७ पोखरा बस्ने ५८ वर्षीय टेक भण्डारीको म. १ प १४५४ नम्बरको मोटरसाइकल घटनास्थलनजिकै नालामा फालेको अवस्थमा भेटिएको र निज भण्डारीलाई पक्राउ गरिएको छ।
प्रहरीले आज बिहान शव उठाएर पोस्टमर्टमका लागि डडेलधुरा अस्पताल पठाएको जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
