महिला टि ट्वान्टी विश्वकप : भारतसँग पाकिस्तान पराजित

क्रिकेट

नेपाल लाइभ सोमबार, असोज २१, २०८१ १०:३१

काठमाडौ – युएईमा जारी महिला टि ट्वान्टी विश्वकपमा भारतसगँ पाकिस्तान पराजित भएको छ ।

दुबईमा आइतवार भएको खेलमा भारतले पाकिस्तानलाई ६ विकेटले पराजित गरेको हो । १ सय ६ रनको लक्ष्य भारतले १८.५ओभरमा ४ विकेट गुमाएर पूरा गर्यो ।

भारतका लागि शेफाली बर्माले सर्वाधिक ३२ तथा कप्तान हरमनप्रित कौरले २९ रन बनाए । पाकिस्तानका लागि फतिमा सानाले २ तथा सदिया इकवाल र ओमैमा सोहेलले समान १ विकेट लिए ।

पहिलो खेलमा न्युजिल्यान्डसँग पराजित भारत पहिलो जितका साथ चौथो स्थानमा छ । पहिलो खेलमा श्रीलंकालाई पराजित गरेको पाकिस्तान तेस्रो स्थानमा छ ।

आइतवार नै भएको विश्वकपको अर्को खेलमा वेस्ट इन्डिजले स्कटल्यान्डमाथि जित हात पारेको छ । दुबईमा भएको खेलमा वेस्ट इन्डिजले ६ विकेटको जित हात पार्यो । १ सय रनको लक्ष्य वेस्ट इन्डिजले ११.४ ओभरमा पूरा गर्यो ।

त्यसअघि टस जितेर पहिले ब्याटिङ गरेको स्कटल्यान्डले २० ओभरमा ८ विकेट गुमाएर ९९ रन बनाएको थियो ।

समूह बी मा रहेको वेस्ट इन्डिज पहिलो जित सहित समूहको शीर्ष स्थानमा उक्लिएको छ । लगातार दुई खेलमा पराजित स्कटल्यान्ड तालिकाको पुछारमा छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय बीच भलिबल सिन्धुपाल्चोकमा हुने

सौगातको ‘बम बहादुर’ पुष ५ मा आउने, यस्तो छ टिजर

कांग्रेस–एमालेको सत्ता गठबन्धन अर्को निर्वाचनसम्म हुनेछ : नेता डा महत