काठमाडौं– एएफसी यू-२० एसिया कप छनोटअन्तर्गत समूह ‘बी’ मा नेपाल आफ्नो अन्तिम खेलमा पनि पराजित भएको छ।
शुक्रबार चाइनिज ताइपेईमा भएको खेलमा नेपाललाई बहराइनले ४-० गोलले पराजित गर्यो। यससँगै नेपाल आफूले खेलेका चार मध्ये तीन खेलमा पराजित भयो।
यसअघि नेपाल पहिलो खेलमा कम्बोडियासँग ४-१ गोलले पराजित भएको थियो।
यद्यपी दोस्रो खेलमा नेपालले घरेलु टोली चाइनिज ताइपेईलाई ३-१ गोलले हरायो। सो खेलमा समिर तामाङले ह्याट्रिक गरेका थिए। उनले कम्बोडियाविरूद्ध पनि गोल गरेका थिए।
तेस्रो खेलमा उज्वेकिस्तानसँग ६-० गोलले पराजित भएसँगै नेपालको यू-२० एसिया कपमा छनोट हुने सम्भावना कमजोर बनेको थियो।
शुक्रबार बहराइनसँग पनि पराजित हुँदा नेपाल यू-२० एसिया कपमा छनोट हुन सकेन। नेपालले चार खेलमा १५ गोल खायो भने चार गोल गर्न सफल भयो।
नेपालका लागि चारै गोल समिर तामाङले गर्न सफल भए।
एएफसी यू-२० एसिया कप २०२५ मा समूहको शीर्ष टोली सिधा छनोट हुनेछ। दोस्रो हुने टोलीको पनि छनोट हुन सम्भावना हुनेछ। नेपाल शुक्रबार तेस्रो खेलमा पराजित भएसँगै दोस्रो हुने सम्भावना पनि सकिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
