जनकपुरधाम- प्रहरीको हिरासत हिरासत फोडेर भागेका तीन जना थुनुवा पक्राउ परेका छन्। लागुऔषध मुद्दामा थुनामा रहेका थुनुवा धनुषा प्रहरीको हिरासत तोडेर भागेका थिए।
जनकपुरधाम उपमहानगरपालिका २१ रुपैठाका अमितकुमार झा, धनुषाको विदेह नगरपालिका- ७ गिद्धाबेलापट्टीका २६ वर्षीय रञ्जित मण्डल र अभद्र व्यवहार मुद्दाका जनकपुरधाम उपमहानगरपालिका- १ का १७ वर्षीय सुमित मेस्तरलाई प्रहरीले पक्राउ गरेको हो। उनीलाई धनुषाको लखौरीबाट पक्राउ गरिएको प्रहरीले जनाएको छ।
यसअघि लखौरीबाटै लागुऔषध मुद्दाका अभियुक्त धनुषाको विदेह नगरपालिका- ७ का २४ वर्षीय रोशन कुमार मण्डल, सिरहा नगरपालिका- १३ का ३३ वर्षीय अभास्कर कुमार यादव र अभद्र व्यवहार मुद्दाका जनकपुरधाम- ४ का २२ वर्षीय विक्की कार्कीलाई पनि प्रहरीले पक्राउ गरेको थियो।
राति नै भेन्टिलेशन फोडेर भाग्ने क्रममा सत्यम झा जनकचोकबाट पक्राउ परेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
