काठमाडौँ- अभिनेता प्रदीप खड्का स्टारर ‘एक्टर’ले आफ्ना तीन नयाँ पोस्टर रिलिज गरेको छ। सार्वजनिक तीनमध्ये एक पोस्टरमा प्रदीपलाई सिनेमाका दुई मुख्य अभिनेत्री अभिनेत्री द्वय आना शर्मा र दिव्या रायमाझीसँग फिचर गरिएको छ भने अन्य दुईमा नव अभिनेत्री दिव्या तथा आनासँग छुट्टाछुट्टै देख्न सकिन्छ। सार्वजनिक तीनै पोस्टर रोमान्टिक शैलीका छन्।
यी पोस्टरमध्ये एउटामा आना र दिव्याले प्रदीपको कान नमोठिरहेका छन् भने प्रदीपले दुखेदुखे जस्तो ठट्यौली भाव प्रकट गरेका छन्। बाँकी दुई पोस्टरमा भने आना र दिव्यासँग प्रदीपलाई प्रेमभावमा प्रस्तुत गरिएको छ।
यसअघि फर्स्ट लुक पोस्टर रिलिज हुँदा सिनेमाले कमजोर डिजाइनका लागि सामाजिक सञ्जालमा आलोचना खेपेको थियो। त्यसमा पोस्टर कपीदेखि कमजोर पोस्टर डिजाइन गरिएको सम्मका आलोचना खेपेको थियो। रोयल भीमसेनले ‘एक्टर’को पोस्टर डिजाइन गरेका हुन्।
अभिनेता दीलिप रायमाझीकी छोरी दिव्याले यही सिनेमाबाट नेपाली रजतपटमा डेब्यू गर्दैछिन्।
राजन भुसाल सिनेमाका निर्देशक हुन् भने सिनेमा कात्तिक १५ गते रिलिज हुँदैछ। सिनेमामा राजबल्लभ कोइराला, दिव्य देव, उषा रजक, सुशील सिटौला लगायतको पनि अभिनय छ।
अदृत सिनेमास् तथा मोती सिनेमास्को संयुक्त प्रस्तुतिमा बनेको सिनेमाको निर्माता थमन कुमार भण्डारी हुन्।
सिनेमा आकाश बराल र निर्देशक भुसालले लेखेका हुन्। सिनेमा लक्ष्मीपूजाको दिन रिलिज हुँदैछ।
सिनेमामा नरेन्द्र मैनालीको छायांकन, निमेश श्रेष्ठको सम्पादन, हर्कुलस बस्नेत, रोहित शाक्य, र एलिस कार्कीको संगीत, शिशिर खाती र किरण थापाको कोरियोग्राफी, अष्ट महर्जनको द्वन्द्व निर्देशन तथा राजेन्द्र मोक्तानको रंग संयोजन छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789383080.png)
