काठमाडौं– आईसीसी विश्वकप लिग २ अन्तर्गत बुधबार भएको अमेरिका र यूएईबीचको एकदिवसीय खेलमा अमेरिकासामू युएई स्तब्ध बनेको छ।
अमेरिकाले यूएईलाई १० विकेटले पराजित गरेको छ। एन्ड्रिज जोस र स्मित पटेलको साझेदारीमा यूएईलाई पराजित गरेको हो।
टस हार्दै पहिले ब्याटिङको निम्तो पाएको यूएई ३१ दशमलव ओभरमा १०६ रन बनाउँदै अलआउट भयो। यूएईका लागि आर्यन्स शर्माले ३१, राहुल चोपराले ३२ र अली नसिरले २३ रन बनाउनुबाहेक अन्य ब्याटरले दोहोरो अंकमा रन बनाउन सकेनन्।
यूएईलाई सस्तैमा समेट्न अमेरिकाका जसदीप सिंहले सर्वाधिक चार विकेट लिए। यस्तै सौरभ नेत्रभालेकर, नोस्टुस केनजी र मिलिन्द कुमारले २/२ विकेट लिए।
१०७ रनको सानो लक्ष्य पाएको अमेरिकाले १५. दशमलव ५ ओभरमा बिना विकेटको क्षतिमा लक्ष्य भेट्टायो। अमेरिकाको जितमा जोस र पटेलले १०७ रनको साझेदारी गरे। जसमा जोसले ६६ रन बनाए भने पटेलले ३८ रन बनाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
