एमाले पर्वतका नेता विकास लम्सालले गरे मेयर बालेनको प्रशंसा

राजनीति

नेपाल लाइभ मंगलबार, असोज १, २०८१ १६:४८

पर्वत- नेकपा एमालेका नेता विकास लम्सालले काठमाडौंका मेयर बालेन शाहको प्रशंसा गरेका छन्। एमाले अध्यक्ष तथा प्रधानमन्त्री केपी शर्मा ओलीसँग मेयर शाहको नोकझोंक चलिरहेका बेला लम्सालले प्रशंसा गरेका हुन्।

नेकपा एमाले पर्वतका पूर्व पार्टी जिल्ला अध्यक्ष समेत रहेका लम्सालले पर्वत क्षेत्र नं २ बाट २०७० सालको संविधान सभा निर्वाचन समेत जितेका थिए।

पर्वतको फलेवास नगरपालिका वडा न ६ खानीगाउँमा आयोजित एक अन्तरक्रिया कार्यक्रममा नेता लम्सालले बालेनले राम्रो काम गरेको भन्दै प्रशंसा गरेका हुन् । एमालेका गण्डकी प्रदेश कमिटिका पूर्व सचिवालय सदस्य समेत रहेका लम्सालले भने, 'हेर्नोस् त आज काठमाडौं नगरपालिकाको मेयर, एक्लै छ तर उनले भ्रष्टाचार नगरेका कारणले उनको जिरो टोलेरेन्स (शुन्य सहनशीलता)काकारणले उसको विरुद्ध प्रधानमन्त्री छन्। पार्टीका अध्यक्ष बिरुद्धमा छन्। मेयर कति शक्तिशाली हुन्छ भन्ने उनले देखाएका छन्।'

लम्सालले बालेनको कार्यशैलीबाट ७५३ वटै पालिकाले सिक्नुपर्ने बताएका छन्। प्रधानमन्त्री तथा एमाले अध्यक्ष ओली र बालेनको अहिले एक प्रकारको 'वाकयुद्ध'मा छन्। एमाले कार्यकर्ता बालेनबिरुद्ध खनिइरहेका छन्। त्यस्तो बेला उनले यस्तो बोलेपछि जिल्लामा चर्चा भइरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘सही कथा भएमा काठमाडौं मेरा फिल्मको सुटिङ थलो बन्नेछ’

जर्मनीद्वारा युरोपेली सङ्घलाई ट्रम्पको शुल्क तयारी गर्न आग्रह

एक्सन स्पोर्ट्सको युट्युबमा एनपिएल हेर्न सकिने