कास्य पदक विजेता पलेशालाई सरकाले दियो ६५ लाख पुरस्कार रकम

अन्य

नेपाल लाइभ शुक्रबार, भदौ २८, २०८१ १२:१९

काठमाडौं– पारा-ओलम्पिकमा तेक्वान्दो खेलमा कास्य पदक विजेता पलेशा गोवर्द्धनको खातामा ६५ लाख रुपैयाँ जम्मा भएको छ।

शुक्रबार प्रधानमन्त्री निवास बालुवाटारमा कार्यक्रम आयोजना गरिएको थियो। प्रधानमन्त्री केपी शर्मा ओलीले सरकारले डिजिटल माध्यम मार्फत खातामा रकम जम्मा गराएको जानकारी दिएका थिए।

त्यस्तै कार्यक्रममा प्रधानमन्त्री ओलीले पदक विजेतालाई सम्मानपत्र समेत हस्तान्तरण गरेका थिए।

यस्तै प्रशिक्षक कविराज नेगीलाई ५ लाख ८५ हजार रुपैयाँ पुरस्कार र व्यवस्थापकलाई २ लाख ९२ हजार रुपैयाँ पुरस्कार रकम दिइएको छ।

सरकारले राष्ट्रिय खेलकुद विकास नियमावली अनुसार सो पुरस्कार दिएको हो। यसअघि मन्त्रिपरिषदको बैठकले पलेशालाई दिने पुरस्कारमा कर नलाग्ने निर्णय गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाथीभरामा विदेशी पर्यटकको आगमन बढ्दै

ब्लाइण्ड टी२० क्रिकेट विश्वकपमा नेपाल पाकिस्तानसँग पराजित

लेबनान युद्धविराम घोषणाको राष्ट्रसङ्घद्वारा स्वागत