काठमाडौं– इङ्ल्यान्डका अलराउन्डर मोइन अलीले अन्तर्राष्ट्रिय क्रिकेटका सबै फर्म्याटबाट सन्न्यासको घोषणा गरेका छन्।
‘म ३७ वर्ष पुगेँ र मलाई अस्ट्रेलियाविरुद्धको सेतो बल सिरिजका लागि छनोट गरिएको थिएन। मैले इङ्ल्यान्डका लागि धेरै क्रिकेट खेलेको छु र अब अर्को पुस्ताको लागि समय आएको छ,’ मोइनले डेली मेलसँगको अन्तर्वार्तामा भने।
सन् २०१४ मा अन्तर्राष्ट्रिय डेब्यू गरेका मोइनले इङ्ल्यान्डका लागि अलराउन्डरका रूपमा ६८ टेस्ट, १३८ एकदिवसीय र ९२ टी–२० खेले। इङ्ल्यान्डका लागि अन्तर्राष्ट्रिय फर्म्याट (सबै फर्म्याट) मा मोइनले ६६७८ रन, आठ शतक, २८ अर्धशतक र ३६६ विकेट लिए।
उनले पछिल्लो पटक यस वर्ष गुयानामा अन्तर्राष्ट्रिय क्रिकेटमा इङ्ल्यान्डको प्रतिनिधित्व गरेका थिए, जहाँ टी–२० विश्वकपको सेमिफाइनलमा भारतसँग इङ्ल्यान्ड पराजित भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
