काठमाडौं– आगामी भदौ २१ गतेदेखि देशभर प्रदर्शनको तयारीमा रहेको चलचित्र रावायणको शीर्ष गीत सार्वजनिक भएको छ।
मंगलबार सार्वजनिक भएको गीतमा भारतीय फिल्म ‘पुष्पा २’को शीर्ष गीत गाएर चर्चामा छाएका गायक नकाश अजिजले स्वर दिएका छन्। नेपाली फिल्मको गीतमा पनि स्वर दिएका छन्।
यो गीत निर्माण युनिटले सार्वजनिक गरेको छ। कृष्णहरि बरालको शब्द रहेको गीतको संगीत रेवान आरती सिंहले गरेका हुन्।
गीतमा फिल्मका मुख्य कलाकार पल शाह र पूजा शर्मा फिचर्ड छन्। साउथ फिल्मको शैलीको नृत्य राखिएको गीतको कोरियोग्राफी विक्रम स्वाँरले गरेका हुन्। गीतमा संस्कृति र नेपाली भाषा मिश्रण छ। फास्ट–ट्रयाकको गीतमा पल शाहको गेटअपले रावणको झल्को दिन्छ।
सुदर्शन थापा निर्देशित एक्सन प्रधान फिल्म ‘रावायण’लाई पूजा शर्माले निर्माण गरेकी हुन्। आगामी भदौ २१ गतेबाट सार्वजनिक प्रदर्शनमा आउने फिल्ममा पल र पूजाको अलवा प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदीप ढकाल, रोजिता पराजुलीलगायतको अभिनय देख्न सकिन्छ।
सुशन पाठक कार्यकारी निर्माता रहेको फिल्ममा शिवम् अधिकारीको लेखन, प्रदीप श्रीवास्तवको पटकथा, सौरभ लामाको छायाङ्कन, मिलन श्रेष्ठको सम्पादन, निरज सिंह, रेवन आरती सिंहको संगीत छ।
विक्रम स्वार र रामजी लामिछानेको कोरियोग्राफी, श्री श्रेष्ठको एक्सन रहेको फिल्म वितरण आरआर फिल्मसले गर्दैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
