धनगढी– कञ्चनपुरमा बिहीबार उखुबारीमा घाँस काट्ने क्रममा आक्रमण गरी एक महिलाको ज्यान लिने बागलाई नियन्त्रणमा लिइएको छ। उक्त बाघलाई बिहीबार बिहान शुक्लाफाँटा राष्ट्रिय निकुञ्ज र बर्दिया राष्ट्रिय निकुञ्जको टोलीले नियन्त्रणमा लिएको हो।
बाघलाई डार्ट गरेर नियन्त्रणमा लिइएको जिल्ला प्रहरी कार्यालय कञ्चनपुरले जनाएको छ। प्रहरी प्रवक्ता उमेश जोशीका अनुसार उक्त बाघलाई बिहीबार महिलालाई आक्रमण गरेकै स्थान दोधारा चाँदनी नगरपालिका–२ को उखुबारीबाट नियन्त्रणमा लिइएको हो।
बाघलाई अहिले शुक्लाफाँटा राष्ट्रिय निकुञ्जको कार्यालयमा राखिएको छ। बिहीबार बिहान घर नजिकैको उखुबारीमा घाँस काट्ने क्रममा दोधाराचाँदनी नगरपालिका–२ बस्ने २३ वर्षीया हिरा शाहलाई बाघले आक्रमण गरेको थियो । शाहको घटनास्थलमै मृत्यु भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781580295.jpg)
-1786602170.png)
