काठमाडौं – मिटरब्याज पीडितहरुले मृतक मिटब्याज पीडित ‘भोगेन्द्र ठाकुर’को शवसहित धर्नामा बस्ने चेतावनी दिएका छन्। बिहीबार एक विज्ञप्ती जारी गर्दै मिटर ब्याज तथा ठगी विरुद्ध किसान मजदुर संघर्ष समितिले मृतक मिटब्याज पीडित ‘भोगेन्द्र ठाकुर’को हत्या आरोपमा क्षतिपूर्ति नदिए शवसहित धर्ना बस्ने बताएको छ।
धनुषाका मिटर ब्याजी साहू शिवजी यादवले मिटर ब्याज पीडित भोगेन्द्र ठाकुरको हत्या र उनकी श्रीमती श्याम कुमारी यादवलाई कुटपीट गरेको आशंकामा गुणस्तरीय उपचार र क्षतिपूर्ती समेत माग गर्दै बिहिबारदेखिनै माइतीघर मण्डलामा धर्ना बस्ने समितिका अध्यक्ष अवधेष कुसहवाले बताए।
‘गत सोमबार धनुषा जिल्लाका धनुषाधाम ०३ मंगलपुर बस्ने मिटरब्याजी साहु शिवजी यादव र त्यसबाट परिचालित लठैतहरुले ऐ. वतनका भोगेन्द्र ठाकुरको बिभत्स हत्या गरेकाछन्,’ विज्ञप्तिमार्फत् भनिएको छ,‘मृतक भोगेन्द्रकी श्रमिती श्याम कुमारी ठाकुर माथी समेत सांघातिक हमला गरि ४२ वटा टाँका लगाउनुपर्ने स्थिती सिर्जना गरिएको छ। हामी सो घटनाको घोरभ्रत्र्सना गर्दै सत्यतथ्य छानविन गरी अपराधीहरुलाई कारवाही गर्न माग गर्दछौँ। गम्भिर घाइते बनाईएकी श्याम कुमारी ठाकुर गुणस्तरीय उपचार र क्षतिपूर्ती समेत माग गर्दछौं।’
सरकारले पीडितहरुसँग विभिन्न सहमती गरेको तर कानुनी कार्बाहीको प्रक्रिया अगाडी नबढाउँदा पीडितहरुमा थप पीडा थपिएको समितिको विज्ञप्तीमा उल्लेख छ।
‘एकातिर कथित कानुनी राजको हवाला दिदैँ बेकसुर मिटर ब्याज पीडितहरु दिनानुदिन पक्राऊ गरी सुदखोर संरक्षक कानुनको उल्झन फसाइएको छ। अर्कोतिर मिटरब्याजी साहुहरुले दिनदहाडै पीडितहरुमाथी कुटपिट गर्ने, शारिरिक मानसिक शोषण गर्ने र संगठितरुपमा ज्यान मार्नेसम्मको अपराध गरिरहँदा समेत राज्य प्रशासन मुकदर्शक बनिरहेको छ। देशव्यापीरुपमा भएका यसप्रकारको घट्नाको दोषीलाई कारबाही नगरिए हामी प्रतिकार संघर्षमा उत्रन बाध्य हुनेछौँ,’ विज्ञप्तमिा भनिएको छ, ‘ जनतामाथी यो हदसम्मका अपराध हुदैँगर्दा त्यसको विरुद्धमा राज्यले गम्भिरतापूर्वक विषयवस्तुलाई ग्रहण नगर्नु खेदजनक छ। हत्या जस्तो जघन्य अपराधमा संलग्न शिवजी यादव, मुकेश मुखिया, सुरजि मुखिया, नागेस्वर मुखिया, चान्दि मुखिया र मनिष मुखिया लगायतका अपराधीहरु तत्काल मुलुकी अपराध सिंहताको परिच्छेद – १२ (ज्यान सम्बन्धी कसूर) दफा १७७ (ज्यान मार्ने नियतले कुनै काम गर्न नहुने) बमोजिम जन्म कैदको सजाय र दफा २४९ क. (अनूचित लेनदेन मिटर ब्याज अपराध गर्ननहुने) बमोजिम हदै सम्मको कैदसजाय, जरिवाना तथा क्षतिपूर्ती भराउने गरि कारबाही गर्न जिल्ला प्रहरी कार्यालय, धनुषालाई आग्रह गर्दछौं।’
कसुरको सुचना वा जाहेरी दरखास्त यथासिघ्र दर्ता गरि कारबाही गर्न समेत उनीहरुको माग छ। त्यसो नहुँदासम्म मृतक मिटरब्याज पीडित भोगेन्द्र ठाकुरको शवसहित धर्नामा बस्ने चतावनी समेत दिएका छन्।
‘मिटर ब्याजी साहुमहानको धनदौलत र पहुँचको प्रलोभन तथा दबाबमा परी उत्पीडित जनताको जिऊको समेत सुरक्षा गर्ननसक्ने गृह प्रशासन र मातहात निकायको गम्भिर आलोचना गर्दै मिटर ब्याज तथा ठगी विरुद्ध किसान मजदुर संघर्ष समिति, नेपाल चेतावनी दिनचाहान्छ कि राज्यले पीडितको अभिभावकत्व ग्रहण गर्ननसक्ने घोषणा गरोस्। त्यसका निम्ति जस्तोसुकै गर्न संघर्ष समिति हरबखत तयार छ। अन्याथा भएमा त्यसबाट सिर्जनाहुने परिस्थितीको पूणर्रुपले जिम्मेवारी लिन तयार रहन समेत चुनौती दिनचाहन्छौँ,’ विज्ञप्तीमा भनिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
