काठमाडौँ- ललितपुर महानगरपालिका-७ ग्वार्कोमा रहेको सनलाइट गेस्ट हाउसमा अचेत अवस्थामा फेला परेकी युवतीको मृत्यु भएको छ। शुक्रबार बिहान अचेत अवस्थामा भेटिएकी युवतीको उपचारका क्रममा मृत्यु भएको प्रहरीले जनाएको छ।
गोदावरी नगरपालिका- ८ डुकुछापका एक युवकसँग बुधबार गेस्ट हाउसमा आएकी युवती शुक्रबार बिहानको समयमा बेहोस भएपछि उपचारका लागि बीएण्डबी अस्पताल लगिएको थियो। उनको उपचारकै क्रममा मृत्यु भएको प्रहरीले जानकारी दिएको छ।
युवतीसँगै रहेका युवक पनि अस्वस्थ भएपछि उपचारका लागि बीएन्डबी अस्पताल भर्ना गरिएको छ। उनले श्वास प्रश्वासमा समस्या आएको बताएको प्रहरीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
