महिला एसिया कप : टस जितेर पहिले फिल्डिङ गर्दै नेपाल

क्रिकेट

नेपाल लाइभ शुक्रबार, साउन ४, २०८१ १४:०९

काठमाडौँ- महिला एसिया कप क्रिकेट प्रतियोगिताको पहिलो खेलमा नेपालले यूएई विरुद्ध पहिले फिल्डिङ गर्ने भएको छ। श्रीलंकाको डम्बुलास्थित अन्तर्राष्ट्रिय क्रिकेट मैदानमा सवा २ बजे हुने खेलमा नेपालले टस जितेर यूएईलाई ब्याटिङको निम्तो दिएको हो।

दोस्रो खेल भने भारत र पाकिस्तानबीच आज साँझ सवा ७ बजे सुरु हुनेछ ।

नेपाली टोलीले समूहगत चरणमा आफ्नो दोस्रो खेल जुलाई २१ मा पाकिस्तानसँग खेल्नेछ। नेपालले समूहगत चरणको आफ्नो अन्तिम खेल जुलाई २३ तारिखमा बलियो प्रतिद्वन्द्वी भारतसँग खेल्नेछ।

साउन ४ देखि १३ गतेसम्म सञ्चालन हुने उक्त प्रतियोगितामा सहभागी टोलीलाई दुई समूहमा विभाजन गरिएको छ। नेपाल प्रतियोगिताको समूह ‘ए’मा परेको छ। दुई बलिया टेस्ट राष्ट्र भारत र पाकिस्तान पनि सोही समूहमा छन्। चौथो टोलीको रुपमा यूएई छ।

प्रतियोगिताको समूह ‘बी’ मा भने श्रीलंका, बंगलादेश, मलेसिया र थाइल्यान्ड रहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

ज्ञानेन्द्र शाहीको आरोपः विद्युतको खम्बामा काम गर्ने मजदुरको मृत्यु राज्यले गरेको हत्या हो

कोशी प्रदेशसभाको बजेट अधिवेशन आजदेखि

सुनको मूल्य घट्यो, कतिमा हुँदैछ कारोवार ?