काठमाडौँ- अर्जेन्टिनाले कोपा अमेरिका-२०२५ को उपाधि हात पारेको छ। सोमबार बिहान भएको फाइनल खेलमा कोलम्बियालाई १-० गोल अन्तरले हराउँदै अर्जेन्टिनाले १६औँ पटक उपाधि चुम्यो।
४८औँ संस्करणको कोपा अमेरिका फाइनलको अतरिक्त समयमा लाउटेरो मार्टिनेजले गोल गर्दै अर्जेन्टिनालाई उपाधि दिलाए। निर्धारित समय ९० मिनेटमा कुनै पनि टोलीको गोल हुन नसकेपछि खेल अतिरिक्त समयमा गएको थियो।
खेल टाइब्रेकरमा जानै लाग्दा अतरिक्त समयमा नै मैदान प्रवेश गरेका मार्टिनेजले जियोभानी लो सेल्सोले दिएको पासलाई गोलमा परिणत गरे।
योसँगै अर्जेन्टिनाले कीर्तिमानी १६औँ पटक कोपा अमेरिकाको उपाधि जितेको छ। उरुग्वेले १५ पटक कोपा–अमेरिकाको उपाधि जितेको छ।
जारी कोपा–अमेरिकाको समूहगत चरणमा अर्जेन्टिनाले आफूले खेलेको तीनवटै खेलमा जित हात पारेको थियो। अर्जेन्टिनाले आफ्नो पहिलो खेलमा क्यानडालाई नै २–० गोलले हराएको थियो। अर्जेन्टिनाले दोस्रो खेलमा चिलीमाथि १–० गोलको जित हात पारेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
