रुकुम पश्चिम– रुकुम पश्चिममा ट्याक्टर दुर्घटना हुँदा एक जनाको मृत्यु भएको छ। दुर्घटनामा अन्य ६ जना घाइते भएका छन्। दुर्घटनामा परी घाइते भएका चौरजहारी नगरपालिका–१२ का २५ वर्षीय गोपाल खत्रीको मिसन अस्पतालमा उपचारका क्रममा मृत्यु भएको प्रहरीले जानकारी दिएको छ।
बिहीबार बिहान चौरजहारी नगरपालिका–१२ को साना खोलास्थित भित्रि सडकखण्डमा कुलो निर्माणका लागि ढुँगा बोकेर जाँदै गरेको कर्णाली प्रदेश ०३-००१ त ०००१ नम्बरको ट्याक्टर ब्रेक फेल भइ दुर्घटनामा परेको हो। ट्याक्टर सडकदेखि झण्डै ८० मिटर तल खसेको प्रहरीले जनाएको छ।
दुर्घटनामा परी घाइते हुनेहरुमा चौरजहारी नगरपालिका–११ का ९ वर्षीय डिल्ली डाँगी, चौरजहारी–१२ का ४३ वर्षीय बलु जैसी, १२ वर्षीया कल्पना वली, ४३ वर्षीय शरद शर्मा, चौरजहारी–५ का २३ वर्षीय चालक लक्ष्मण कुमाइ र २० वर्षीय विकास कुमाइ रहेका छन्। उनीहरुको मिसन अस्पताल चौरजहारीमा उपचार भइरहेको जिल्ला प्रहरी कार्यालय रुकुम पश्चिमले बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788614636.jpeg)
-1786602170.png)
-1786513116.png)
-1788425345.png)
