रोहितसँग झगडा गर्ने बंगलादेशी खेलाडी आइसीसीको कारबाहीमा

क्रिकेट

नेपाल लाइभ बुधबार, असार ५, २०८१ ०७:२९

काठमाडौं-अन्तर्राष्ट्रिय क्रिकेट परिषद् (आईसीसी) ले टी-२० विश्वकपमा नेपालका कप्तान रोहित पौडेलसँग झगडा गर्ने बंगलादेशका बलर तान्जिम हसन सकिबलाई कारबाही गरेको छ ।

आईसीसीले तान्जिमलालाई म्याच फिको १५ प्रतिशत रकम काटिने गरी कारबाही गरिएको जनाएको हो ।

सेन्ट भिन्सेन्टमा नेपालले १०७ रनको लक्ष्य पछ्याउने क्रममा तान्जिम र रोहितबीच तेस्रो ओभरको अन्तिम बलपछि भनाभन भएको थियो। त्यसक्रममा तान्जिमले रोहितलाई हातले धक्कासमेत दिएका थिए । ताम्जिमलाई बंगलादेशका लिटन दास र रोहितलाई आसिफ शेखले थप झगडा गर्नबाट रोकेका थिए ।

आईसीसीले आचारसंहिता २.१२ उल्लंघन गरेको पाइएकाले उनीमाथि कारबाही गरिएको जनाएको छ । नेपाललाई ८५ रनमा अल आउट गर्न तान्जिमले ४ ओभरमा २ मेडनसहित ७ रन खर्चेर ४ विकेट लिएका थिए । यो खेलमा बंगलादेशले नेपाललाई २१ रनले हराउँदै समूह डी बाट ६ अंकका साथ सुपर ८ मा स्थान बनाएको थियो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ओलीलाई वर्षमानको प्रश्न- भुटानी शरणार्थी, यती,ओम्नी र गिरीबन्धु प्रकरण छानबिन गर्न संसदीय समिति कहिले गठन गर्ने?

स्कर्पियो–कार ठक्कर : १३ घाइतेमध्ये १ जनाको मृत्यु

सशस्त्र र नेपाल प्रहरी विधेयक संसदमा पेश गर्न मन्त्रिपरिषदको स्वीकृति