बारामा क्याम्पस प्रमुख कुशवाहाको गोली हानी हत्या

सुरक्षा/अपराध

नेपाल लाइभ शुक्रबार, जेठ ३२, २०८१ २३:००

बारा- कलैयास्थित रामराजा मोहनविक्रम साह बहुमुखी क्याम्पसका प्रमुख हरिभूषण कुशवाहाको हत्या भएको छ। अज्ञात समूहको गोली प्रहारबाट क्याम्पस प्रमुख कुशहवाको शुक्रबार हत्या भएको हो।

जिल्ला प्रहरी कार्यालयका बाराका प्रवक्ता दधिराम न्यौपानेका अनुसार अज्ञान समूहले गोली हानेर कुशवाहाको हत्या गरेका हुन्।आदर्शकोतवाल गाउँपालिका–२ खजुरियास्थित पुर्ख्यौली घरबाट मोटरसाइकलमा कलैया फर्कने क्रममा आदर्शकोतवाल गाउँपालिका–३ बतरा गाउँको दक्षिणमा रहेका लंगहासन माई मन्दिर अगाडि कुशवाहामाथि गोली प्रहार भएको उनले जानकारी दिए।

उनका अनुसार दुई वटा मोटरसाइकलमा आएका चार जना सवार अपराधीले कुशवाहाको बाटो छेकी पिँठ्यूमा एक राउण्ड गोली प्रहार गरी भागेका थिए। गोली लागि गम्भीर घाइते भएका कुशवाहाको उपचारका क्रममा वीरगञ्जस्थित ब्योधा अस्पताल आज साँझ ७ः१५ बजे आसपासमा मृत्यु भएको प्रहरी प्रवक्ता न्यौपानेले जानकारी दिए।

प्रवक्ता न्यौपानेका अनुसार घटनामा संलग्न भएको आशङ्कामा दुई स्थानीयलाई नियन्त्रणमा लिइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

तराईमा शीतलहर: बढ्दो जोखिममा पूर्वतयारी सुस्त

न्याय प्रणालीमा विश्वास गर्ने ठाँउ भएको सभापति रवि लामिछानेको भनाइ

वडाध्यक्षको तरकारीखेती मोह