कपिलवस्तु-कपिलवस्तुको बुद्धभूमि नगरपालिका ४ झडुलामाईमा यात्रुबाहक बस र पिक अप ठोक्किँदा १ जनाको मृत्यु भएको छ । दुर्घटनामा ८ जना घाइते भएका छन् ।
आज बिहान ५ः३० बजे काठमाडौँबाट सुर्खेत जाँदै गरेको क प्र ०२–००१ख ०५२५ नम्बरको बस र लु १ च ९२८४ नम्बरको पिक अप आपसमा ठक्कर खाएका हुन् । घटनामा परी पिक अप चालक कपिलवस्तु शिवराज नगरपालिका बस्ने हिरालाल बढईको घटनास्थलमै मृत्यु भएको जिल्ला ट्राफिक प्रहरी कार्यालय कपिलवस्तुले जनाएको छ ।
ठक्करपछि पिकअपमा च्यापिएका बढईको २ घण्टापछि उद्धार गरिएको थियो । घाइतेहरू लाई उपचारका लागि बुटवल पठाइएको प्रहरीले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
