गृहमन्त्रीको घोषणा कार्यान्वयनमा, मापसे गरी समातिएकालाई स्वयंसेवकका रुपमा खटाइयो सडकमा

सुरक्षा/अपराध

नेपाल लाइभ बुधबार, जेठ १६, २०८१ १३:१९

काठमाडौं– गणतन्त्र दिवसका अवसरमा गृहमन्त्री रवि लामिछानेले घोषणा गरेको मापसे गरी सवारी चलाएर समातिएकालाई ट्राफिक व्‍यवस्थापनका लागि स्वयंसेवकका रुपमा घटाउने निर्णय आजैदेखि कार्यान्वयनमा ल्याइएको छ।

मंगलबार घोषणा भएको उक्त निर्णय ट्राफिक प्रहरीले बुधबारदेखि नै कार्यान्वयनमा ल्याएको हो। बुधबार काठमाडौँका विभिन्न स्थानबाट पछिल्लो समय मापसे ( मादक पदार्थ सेवन) लगायत ट्राफिक नियम उल्लंघन गरी सवारी चलाएको अवस्थामा समातिएका चालकलाई सडकमा स्वयंसेवकको रूपमा खटाएको छ।

तर उनीहरूको काम सडक छेउमा घाममा उभिनु बाहेक केही छैन। विभिन्न चोकमा यसरी खटाइएको भए पनि उनीहरूले न त ट्राफिक प्रहरीलाई सघाएका देखिन्थे न उनीहरूले गर्दा सवारी आवागमनमा कुनै सहजता नै भइरहेको थियो।

मापसे गरी सवारी चलाएर समातिएकालाई प्रहरी बग्गीखानामा क्लास दिने गरेको छ। मंगलबार राति समातिएका उनीहरुलाई बुधबार बिहानै क्‍लास दिएपछि विभिन्न चोकहहरुमा उनीहरुलाई स्वयंसेवकका रुपमा खटाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी