काठमाडौँ- इरानका राष्ट्रपति इब्राहिम रायसीको होलिकोप्टर दुर्घटनामा मृत्यु भएको छ। हेलिकोप्टर दुर्घटनामा राष्ट्रपति रायसीसँगै विदेश मन्त्री हुसेन अमिर अब्दुल्लाहियानको समेत मृत्यु भएको रोयटर्सले जनाएको छ।
आइतबार हेलिकोप्टर दुर्घटनामा परेका उनीहरुको अवस्था अज्ञात थियो। रोयटर्सले एक जना इरानी अधिकारीलाई उद्धृत गर्दै दुर्घटनामा हेलिकोप्टर पूर्ण रुपमा जलेको उल्लेख गरेको छ।
सोमबार बिहान उद्धारकर्मीको टोली घटनास्थलमा पुगेको थियो। दुर्घटनास्थलको मौसम निकै खराब रहेकोले उद्धार टोलीलाई घटनास्थलसम्म पुग्न निकै कठिनाइ भएको थियो।
दुर्घटनास्थल तेहरानबाट ६०० किलोमिटर टाढा छ। पहाडी क्षेत्रमा खोजी अभियान सञ्चालन गर्न ४० विभिन्न टोली खटाइएको छ।
टर्कीले राष्ट्रपति इब्राहिम रायसीको हेलिकोप्टर पत्ता लगाउन ड्रोन पठाएको थियो। टर्कीको समाचार एजेन्सी अनादोलुले एक ठाउँमा अत्यधिक तापको स्रोत भेट्टाएको तस्बिर सार्वजनिक गरेको थियो।
दुर्घटनाग्रस्त हेलिकप्टरमा इरानी राष्ट्रपति इब्राहिम रायसी, विदेशमन्त्री होसेन अमीर-अब्दुल्लाहियान, इरानको पूर्वी अजरबैजान प्रान्तका गभर्नर मलिक रहमाती, पाइलट, सुरक्षा प्रमुख र चालक दलका सदस्य सवार रहेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
