प्रिमियर लिगको उपाधि लगातार चौथो पटक म्यानचेष्टर सिटीको पोल्टामा

फुटबल

नेपाल लाइभ सोमबार, जेठ ७, २०८१ ०९:१०

काठमाडौं- प्रिमियर लिगको उपाधि म्यानचेष्टर सिटीले जितेको छ। म्यानचेष्टर सिटीले लगातार चौथो पटक प्रिमियर कपको उपाधि जितेको हो।

आइतबार राति घरेलु मैदानमा भएको लिगको अन्तिम खेलमा वेष्ट हम युनाइटेडलाई ३-१ ले पराजित गर्दै सिटीले उपाधि रक्षा गरेको हो। सिटीलाई च्याम्पियन बनाउन फिल फोडेनले दुई तथा रोड्रीले एक गोल गरे।

अन्तिम दिनसम्म सिटी र आर्सनल लिगको उपाधि होडमा थिए। उपाधि जित्न सिटीलाई स्पष्ट जितको आवश्यकता थियो। यस्तै आर्सनलको हकमा भने उपाधि जित्न सिटीले अंक गुमाउनुपर्ने थियो।

तर, अन्तिम दिन सिटी र आर्सनल दुवै विजयी भए। उपाधि सिटीको पक्षमा गयो। सिटीले ३८ खेलबाट ९१ अंक जोड्यो। एभरटन विरुद्ध २-१ को पुनरागमन जित हात पारेको आर्सनलले ८९ अंक जोड्यो।

सिटी लगातार चौथो पटक प्रिमियर लिग जित्न पहिलो टोली बनेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी