काठमाडौं- आर्थिक समृद्धिका लागि निर्यातमुखी कृषि उपज उत्पादन गर्ने नीति ल्याउन सरोकारवालाले जोड दिएका छन्। बिहीबार पत्रकारसँग अन्तर्क्रिया कार्यक्रममा बोल्दै जनता एग्रो एण्ड फोरेस्ट्री लिमिटेडका अध्यक्ष पवन गोल्यानल सरकारले किसानलाई निर्यातमुखी खेतीमा प्रोत्साहन गर्नुपर्ने बताए।
‘विदेशी मुलुकमा नेपाली अर्गानिक कृषि उपजहरुको ठूलो माग छ। सरकारले किसानलाई अर्गानिक उत्पादन बढाउन प्रोत्साहन गर्नुपर्छ। निर्यातमुखी उत्पादनमा जोड दिने नीति ल्याउनु पर्छ,’ उनले भने,‘जबसम्म हामीले प्राङ्गारिक खेती गर्ने साना किसानलाई सहज वातावरणको सिर्जना नगर्ने बेलासम्म कृषि क्षेत्रले फड्को मार्दैन।’
पछिल्लो समय सरकारले गर्न नसकेको काम साना किसानलाई प्रोत्साहन गर्न र किसानको उत्पादनको बिक्री वितरणमा सहज वातावरणको सिर्जना गराउने हेतुले जनता एग्रोले काम गर्दै आएको बताए।
अब किसानलाई सहजीकरण गर्न स्थानीय तह र कृषि सहकारीले किसानका उपजहरू प्रोत्साहन गरेर बिक्री वितरणमा सहयोग गर्नुपर्ने उनको भनाइ छ।
उनले आजको आवश्यकता भनेको वैदेशिक रोजगारीबाट फर्केका वा वैदेशिक रोजगारमा जान नचाहेका युवालाई उन्नत तथा व्यावसायिक कृषिमा आकर्षित गर्ने अहिलेको समय उपयुक्त रहेको बताए।
जनता एग्रो एण्ड फोरेस्ट्री लिमिटेडका निर्देशक परितोष पौडेलले नेपालमा भएका अथाह सम्भावनाका कुरालाई सम्भवमा बदल्ने अठोटका साथ जनता एग्रो एण्ड फोरेस्ट्रीको सुरुवात गरेको बताए।
उनले उक्त कम्पनी समुदायमा आधिरत कृषि कम्पनी रहेको बताउँदै किसानले उत्पादन गरेको वस्तुलाई सहज बिक्री वितरणमा समेत टेवा पुर्याएका बताए। उनले नेपालले कृषिमा सफल भएका र नयाँ नयाँ प्रयोग र आधुनिकिकरणमा लागेका देशरूबाट कृषि पाठ सिक्नुपर्नेमा समेत जोड दिए।
पौडेलले मुलुकको आयात र रेमिट्यान्स प्रतिस्थापन गर्ने एकमात्र विकल्प कृषि बाहेक अरू नहुने बताउँदै कम्पनीले कृषि उत्पादनको निर्यातमा विशेष कार्यहरू गर्दै आएको जानकारी दिए । कृषि क्षेत्रमा जोड दिदाँ रेमिट्यान्स आयको परनिर्भरतालाई न्यूनिकरण गरी देशको अर्थतन्त्रलाई बचाउन महत्त्वपूर्ण भूमिका खेल्न सकिने उनले दाबी गरे।
पौडेलले पराम्परागत खेतीलाई प्रवर्द्धन गर्ने र नयाँ प्रविधिको विषयमा जोड्न आफूहरू नयाँ तरिकारले अघि बढेका दाबी गरे। ‘नेपालको सन्दर्भमा धेरै कम्पनी स्थापना हुँदा पनि उनीहरूसँग प्राप्त प्रविधि र तालिम नहुँदा धेरै पछि परेका छन्,’ उनले भने, तर हामीले त्यो बीचमा निर्यात प्रर्वद्धन गर्ने जस्ता काम गरेका छौँ र अर्को आर्थिक वर्षदेखि आईपीओमा जाने निर्णय गरेका छौँ। जीवनको आधार माटो, आत्मनिर्भर समुउन्तीको बाटो भनेर एउटा खाका साथ अघि बढेका छौँ।’
जनता एग्रो एण्ड फोरेस्ट्री लिमिटेडका अर्का निर्देशक प्रेम लामाले पछिल्लो समय नेपालमा अर्गानिक कृषि उपजमा जनता एग्रो एण्ड फोरेस्ट्री मात्रा रहेको बताए।
उनले हरेक नेपालीको भन्सामा विषादीरहित कृषि उपज पुगोस् भन्ने हेतुले नै अर्गानिक कृषि यात्रा सुरू गरेर नेपाललाई स्वास्थ्य बनाउनको लागि काम गरेका बताएका छन्।
उनले जनसंख्याको तुलनामा कृषिजन्य वस्तुको उत्पादनको वृद्धि सुस्त रहेकाले यस्ता वस्तुको आयात बढिरहेको समेत बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789608019.webp)
-1786602170.png)
