काठमाडाै- एशोसियट क्रिकेटमा पछिल्लाे समयका चिर-परिचित प्रतिस्पर्धी नेपाल र यूएई फेरि आमनेसामने हुने भएका छन् । ओमानमा जारी एसीसी प्रिमियर कपको पहिलो सेमिफाइनलमा आज (शुक्रबार) नेपाल र यूएई भिड्न लागेका हुन्।
एशोसियट राष्ट्रको बादशाह नेपाल र यूएई चिर प्रतिद्वन्द्वी टोली हुन्। यी दुई टोलीलाई एक अर्काको सबल र कमजोर पक्ष राम्रोसँग जानकारी छ। त्यसैले दुवै टोली रणनीतिक रुपमा बलियो भएर आजको खेलमा मैदान उत्रनेछन्। टी-२० होस् वा एक दिवसीय, दुई टोलीको खेल क्रिकेट समर्थकका लागि बहुप्रतिक्षित खेल हो।
ओमानको अल अमरेत क्रिकेट मैदान टर्फ १ मा हुने खेल बिहान ११ः४५ बजे सुरु हुनेछ। नेपालका लागि आजको खेल निकै महत्वपूर्ण छ। युएईलाई हराउँदै फाइनलको यात्रा तय गर्नुका साथै सन् २०२२ मा भोगेको हारको बदला लिने अवसरसमेत नेपाली टोलीलाई छ।
सन् २०२२ को फेब्रुअरीमा यही मैदानमा भएको आईसीसी टी-२० विश्वकप छनोटमा युएईसँग पराजित हुँदै नेपालको विश्वकप खेल्ने सपना अधुरै रहेको थियो। सन् २०१४ पछि विश्वकप खेल्ने योजनामा रहेको नेपाली टोलीको बाटोमा युएई बाधक बन्न पुगेकाे थियाे।
टी–२० क्रिकेटमा नेपाल र युएईबीचको भेट पाँच महिनापछि हुन लागेको हो । यी दुई टोली पछिल्लो पटक गत मंसिरमा घरेलु मैदानमा भएको आईसीसी टी–२० विश्वकप एसिया छनोटको सेमिफाइनलमा भेट भएका थिए। माथिल्लो मुलपानी मैदानमा भएको खेलमा नेपालले युएईलाई ८ विकेटले पराजित गर्दै १० वर्षपछि विश्वकपको ढोका खोलेको थियो।
नेपालले घरेलु मैदानमा नै युएईलाई रोक्दै विश्वकपको ढोका त खोल्यो तर २०२२ को हारको बदला यही मैदानमा लिने उत्कृष्ट अवसर समेत छ।
युएई भने आजको खेलमा ५ महिना अघिको हारको बदला लिर्दै प्रिमियर कपको फाइनलमा पुग्न चाहन्छ। तर नेपाली टोली भने आफ्नो लयलाई कायम राख्दै अपराजित रहेर फाइनल खेल्ने दाउमा छ।
प्रिमियर कपको समूह ए मा रहेको नेपाल अपराजित रहेर सेमिफाइनल खेल्न लागेको हो। युएई भने समुह बी को उपविजेता बन्दै नेपालसँगको भेट पक्का गरेको हो।
नेपालले समुह चरणका चार खेलमा चार जित निकालेको हो। युएई भने समुह चरणमा ओमानसँग मात्र हार व्यहोरेको थियो।
आजै हुने दोस्रो सेमिफाइनलमा समूह बी को विजेता ओमानले समूह ए को उपविजेता हङकङसँग खेल्नेछ। सो खेल सवा ४ बजे सुरु हुनेछ। प्रिमियर कपको विजेताले टी २० एसिया कपमा स्थान बनाउनेछन्। एसिया कपमा पुग्ने टोलीले भारत र पाकिस्तानसँग खेल्ने मौका पाउनेछन्।
हेड टु हेड
टी– २० क्रिकेटमा नेपाल र युएई अहिलेसम्म ९ पटक भेट भएका छन्। ती भेटमा युएईविरुद्ध नेपाल हावी देखिएको छ। नेपालले ५ खेलमा जित निकाल्दा युएईले भने चार खेलको नतिजा आफ्नो पक्षमा पारेको छ। पछिल्ला ५ भेटलाई हेर्ने हो भने नेपालले ३ खेलमा जित निकालेको छ। युएईले भने दुई खेलमा मात्र विजयी भएको छ।
नेपालको टोली
रोहित पौडेल, आसिफ शेख, कुशल भुर्तेल, कुशल मल्ल, विवेक यादव, सन्दीप जोरा, अनिल शाह, गुलशन झा, दीपेन्द्रसिंह ऐरी, ललित राजवंशी, करण केसी, सोमपाल कामी, प्रतिश जि.सी र अभिनाश बोहरा।
यूएईको टोली
मोहम्मद वासिम (कप्तान) आयन खान, एलिशान शराफु, अली नासिर, आसिफ खान, बासिल हामिद, जुनैद सिद्दिक, मोहम्मद फारुक, मोहम्मद हैदर शाह, ओमैद रहमान, राहुल भाटिया, राजा अकिफ, टानिश सुरी र विष्णु सुकुमारान
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
