काठमाडौँ- स्वास्थ्य तथा जनसंख्या मन्त्रालयले मातहतका १७ जना ११औं तहका कर्मचारीको पदस्थापना र जिम्मेवारी हेरफेर गरेको छ। मन्त्रालयले ट्रमा सेन्टरमा १०औं तहका डा प्रमोद कुमार यादवलाई निमित्त मेसुको जिम्मेवारी दिएको छ।
मन्त्रालयले हालै ११औं तहमा बढुवा भएका १२ जनाको पदस्थापन, ४ जनालाई कामकाजमा खटाइएको र २ जनाको नयाँ जिम्मेवारी तोकेको हो।
कसको जिम्मेवारी कहाँ?
प्रमुख कन्सलटेन्ट सर्जिकल ग्याष्ट्रोइन्टेरोलोजिष्ट डा जैनेन्द्रकुमार चौधरीलाई मन्त्रालयबाट चिकित्सा विज्ञान राष्ट्रिय प्रतिष्ठान (न्याम्स)मा, प्रमुख कन्सल्टेन्ट न्यूरो सर्जन डा निलम कुमार खड्कालाई ट्रमा सेन्टरमा, प्रमुख कन्सल्टेन्ट अर्थोपेडिक सर्जन डा ओम प्रसाद अर्याललाई कोशी अस्पतालमा, प्रमुख कन्सल्टेन्ट रेडियोलोजिष्ट सुरेश थापालाई नारायणी अस्पतालमा, प्रमुख कन्सल्टेन्ट रेडियोलोजिष्ट डा विश्वनाथ शर्मालाई भेरी अस्पताल पदस्थापना गरेको छ।
यसैगरी, प्रमुख कन्सल्टेन्ट इएनटी सर्जन डा दिपेन्द्र गौतमलाई नारायणी अस्पतालमा, प्रमुख कन्सल्टेन्ट इएनटी सर्जन डा शैलेन्द्र विक पोखरेललाई भरतपुर अस्पतालमा, प्रमुख कन्सल्टेन्ट एनेस्थेसियोलोजिष्ट डा शुभाष रेग्मीलाई परोपकार प्रसूती तथा स्त्री रोग अस्पताल थापाथलीमा, प्रमुख कन्सल्टेन्ट अब्स्टेट्रिक्स एन्ड गाइनोकोलोजिष्ट डा राम नरेश पण्डित परोपकार प्रसूती तथा स्त्री रोग अस्पताल थापाथलान, प्रमुख कन्सल्टेन्ट अब्स्टेट्रिक्स एन्ड गाइनोकोलोजिष्ट डा विनोद सिंह कोशी अस्पताल विराटनगरमा, प्रमुख नर्सिङ प्रशासक सरित कार्की कान्ति बाल अस्पतालमा, प्रमुख अस्पताल नर्सिङ प्रशासक मन्जु यादव कोशी अस्पताल विराटनगरमा पदस्थापन भएका छन्।
यस्तै, प्रमुख कन्सल्टेन्ट रेडियोलोजिष्ट डा सुरेश थापालाई नरायणी अस्पतालबाट लुम्बिनी प्रदेशको मुख्यमन्त्री तथा मन्त्रिपरिषदको कार्यालय वा माताहतको कार्यालयमा, प्रमुख कन्सल्टेन्ट अब्स्टेट्रिक्स एन्ड गाइनोकोलोजिष्ट डा विनोद सिंहलाई कोशी अस्पतालबाट लुम्बिनी प्रदेशको मुख्यमन्त्री तथा मन्त्रिपरिषदको कार्यालय वा माताहतको कार्यालयमा, प्रमुख अस्पताल नर्सिङ प्रशासक सरिता कार्कीलाई कान्ति बाल अस्पतालबाट पोखरा स्वास्थ्य विज्ञान प्रतिष्ठानमा र प्रमुख मेडिकल ल्याब टेक्नोलोजिष्ट डा श्रवणकुमार थापालाई कोशी अस्पताल विराटनगरबाट मुख्यमन्त्री तथा मन्त्रिपरिषद्को कार्यालय मधेश प्रदेश वा अन्तर्गत कामकाजका लागि खटाइएको छ।
यस्तै, राष्ट्रिय ट्रमा सेन्टरको निमित्त प्रमुख मेडिकल सुपरिटेन्डेन्टमा डा प्रमोद कुमार यादव नियुक्त भएका छन्। स्वास्थ्य तथा जनसंख्या मन्त्री उपेन्द्र यादवले बिहीबार मन्त्रिस्तरिय निर्णय गर्दै डा यादवलाई ट्रमा सेन्टरको निमित्त मेसुमा नियुक्त गरेका हुन्। यसअघि अस्पतालको प्रमुख मेसुमा रहेका डा बद्रि रिजाललाई हटाउँदै डा यादवलाई नियुक्त गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
