काठमाडौँ- नेपाली क्रिकेटर दीपेन्द्रसिंह ऐरीले आईसीसी टी-२० वरियतामा नयाँ कीर्तिमान बनाएका छन्। उनी अलराउन्डरतर्फ ११औँ स्थानमा उक्लिएका छन्।
अन्तर्राष्टिय क्रिकेट काउन्सिल (आईसीसी)ले जारी गरेको नयाँ वरियतामा दीपेन्द्र १४औँ स्थान सुधार गर्दै ११औँ स्थानमा पुग्न सफल भएका हुन्। त्यसैगरी ब्याटिङतर्फको विश्व वरियतामा १६ स्थान सुधार गर्दै ऐरी ६२औँ स्थानमा उक्लिएका छन्।
ऐरी हाल ओमानमा जारी एसीसी प्रिमियर कप क्रिकेट प्रतियोगितामा उत्कृष्ट प्रर्दशन गरिरहेका छन्। उनले उक्त प्रतियोगता अन्तर्गत कतार विरुद्धको खेलमा एकै ओभरमा ६ छक्का प्रहार गरेका थिए।
ब्याट्सम्यानको नयाँ वरियतामा नेपाली टोलीका कप्तान रोहितकुमार पौडेल ५३औँ स्थानमा रहँदा आसिफ शेख ३६ स्थान सुधार गर्दै ७५औँ स्थानमा उक्लेका छन्। त्यस्तै कुशल मल्ल नौ स्थान सुधार गर्दै १००औँ स्थानमा पुगेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821303.jpg)
-1786602170.png)
