लगानी सम्मेलन सम्बन्धी सरकारको अवधारणामा पूर्वप्रधानमन्त्री भट्टराईको असन्तुष्टि

पूर्वाधार

नेपाल लाइभ आइतबार, वैशाख २, २०८१ २०:५६

काठमाडौँ- पूर्वप्रधानमन्त्री एवं नेपाल समाजवादी पार्टीका अध्यक्ष डा बाबुराम भट्टराईले सरकारले तय गरेको लगानी सम्मेलन सम्बन्धी अवधारणामा नै असन्तुष्टि व्यक्त गरेका छन्। नेपालमा २ वटा लगानी सम्मेलन सम्पन्न भएर पनि वैदेशिक लगानी सहज ढंगले आउन नसक्नुमा पुरानै ढाँचाको विकास नीति जिम्मेवार रहेको उनको भनाइ छ।

सरकारले यही वैशाखको १६ र १७ गते काठमाडौंमा तेस्रो लगानी सम्मेलनको आयोजना गर्दैछ। आइतबार काठमाडौंमा आयोजित नेपालको आर्थिक–सामाजिक क्षेत्रमा वैदेशिक लगानीको प्रभाव विषयक अन्तर्क्रिया कार्यक्रममा बोल्दै भट्टराईले मन्त्रीहरुलेूराजदुतलाई बोलाएर हारगुहार गर्दैमा नेपालमा वैदेशिक लगानी भित्रिने सम्भावना नरहेको जिकिर गरे।

उनले आधुनिक विकास नीति बनाएर मात्रै नेपालमा वैदेशिक लगानी भित्र्याउन सकिने तर्क गरे। स्वदेशी श्रमको परिचालन गरेर अघि बढ्न सके वैदेशिक लगानी भित्र्याउन सहज हुने पूर्वप्रधानमन्त्री भट्टराईले बताए। उनले भारत र चीन जस्ता ठूला मुलुकलाई साथमा लिएर पनि नेपालले आवश्यक लगानी भित्र्याउन सक्ने दोहोर्‍याए।

पूर्वप्रधानमन्त्री भट्टराईले भने, ‘हामीले वर्षौंदेखि वैदेशिक लगानीको कुरा गरिराखेका छौं। तर खासै प्रगति भइरहेको छैन। दुईदुई पटक लगानी सम्मेलनहरु भए। र, अहिले पनि भईराखेको छ। तर त्यो उही ढाँचामा भइराखेको म देख्छु। राजदूतहरुलाई बोलाएर हाम्रा मन्त्रीहरुले हारगुहार गर्नुभएको छ। तर नेपालमा लगानी नै आएको छैन।’

पूर्वप्रधानमन्त्री भट्टराईले बहुराष्ट्रिय कम्पनीहरुलाई भित्र्याउने नीतिले पनि नेपालमा वाह्य लगानी बढाउने कुरामा समस्या थपिएको बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

उत्तरी मेक्सिकोमा गोप्य चिहानमा १२ शव फेला

रास्वपाद्वारा अनुशासन आयोगमा दुई र विभागमा तीन सदस्य मनोनयन

मोरक्कोमा डुंगा डुब्दा ६९ जनाको मृत्यु, जिहादीका कारण देश छाड्नेको संख्या बढ्दै