एसीसी प्रिमियर कप: मलेसियाले दियो नेपाललाई १४४ रनको लक्ष्य

क्रिकेट

नेपाल लाइभ शुक्रबार, चैत ३०, २०८० १७:४२

काठमाडौं– आजदेखि ओमानमा सुरु भएको एसीसी प्रिमियर कप अन्तर्गत पहिलो खेलमा मलेसियाले नेपाललाई १४४ रनको लक्ष्य दिएको छ।

टस जितेर पहिले ब्याटिङ गरेको मलेसियाले निर्धारित २० ओभरमा ३ विकेट गुमाउँदै १४३ रन बनाएको हो। मलेसियाका लागि ओपनर विरेनदीप सिंहले उत्कृष्ट अर्धशतकीय पारी खेले। ५६ बलको सामना गरेका उनले नटआउट ७२ रन बनाए। जसमा उनले चार चौका र चार छक्का प्रहार गरेका थिए।

यस्तै मलेसियाका शरवीन मुनिन्देले ४१ रन बनाए भने मोहम्मद अमिरले १६ रन बनाए। सायद अजिजले ६ रन बनाउँदा नज्मुस सकिबले नटआउट ३ रनको योगदान दिए।

नेपालका लागि दीपेन्द्रसिंह ऐरीले चार ओभरमा मात्र १४ रन खर्चिँदै २ विकेट लिए। अविनाश बोहोराले चार ओभरमा २८ रन खर्चिएर एक विकेट लिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय ट्रफीको फाइनलमा कुशल भुर्तेलको शानदार अर्धशतक

घरायसी विवादका क्रममा श्रीमतीको गोली हानी हत्या, श्रीमान पक्राउ

विपिनको रिहाइबारे कतारका विदेश राज्यमन्त्रीसँग परराष्ट्रमन्त्री राणाको फोनवार्ता