आईपीएल : राजस्थानलाई ३ विकेटले हराउँदै गुजरात विजयी

क्रिकेट

नेपाल लाइभ बिहीबार, चैत २९, २०८० ०७:४४

काठमाडौं-इन्डियन प्रिमियर कप (आईपीएल)मा हिजो राति भएको खेलमा राजस्थान रोयल्सलाई ३ विकेटले हराउँदै गुजरात टाइटन्स विजयी भएको छ । १९७ रनको लक्ष्य पछ्याएको गुजरातले निर्धारित २० ओभरमा ७ विकेट गुमाएर १९९ रन बनायो ।

गुजरातका लागि कप्तान शुभमन गिलले सर्वाधिक ७२ रन बनाए । यस्तै साइ सुदर्शनले ३५, रशिद खानले २४ र राहुल तेवातियाले २२ रन बनाए । राजस्थानका लागि कुलदीप सेनले ३ विकेट लिए भने युजभेन्द्र चाहालले २ र अभेश खानले १ विकेट लिए ।

टस हारेर पहिले ब्याटिङ गरेको राजस्थाले निर्धारित २० ओभरमा ३ विकेट गुमाएर १९६ रन बनाएको थियो । राजस्थानका लागि रियान पराग ७६ र कप्तान सन्जु सामसनले ६८ रन बनाए ।

यस्तै यजस्वी जैसवालले २४ रन बनाए । गुजरातका लागि मोहित शर्मा, रशिद खान र उमेश यादवले समान १-१ विकेट लिए । आज राति मुम्बई इन्डियन्सले रोयल च्यालेन्जर बैंगलुरुको सामना गर्नेछ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

भारत-पाकिस्तान सीमा क्षेत्रमा पुनः गोलाबारी सुरु

नेपालमा लगानी गर्न व्यवसायीलाई अध्यक्ष ढकालको आग्रह

सगरमाथा संवादको अन्तिम तयारीमा छौँ : परराष्ट्रमन्त्री