आयरल्यान्ड वल्भ्सविरुद्ध अर्जुन कुमालको शतक

क्रिकेट

नेपाल लाइभ आइतबार, चैत २५, २०८० १५:४१

काठमाडौं– आयरल्याण्ड ‘ए’ विरुद्धको तेस्रो एकदिवसीय खेलमा नेपाल ‘ए’का तर्फबाट अर्जुन कुमालले शतक प्रहार गरेका छन्।

२८५ रनको चुनौतीपूर्ण लक्ष्य पाएको नेपालका लागि ओपनर कुमालले शतक प्रहार गरेका हुन्। ११४ बलको सामना गर्दै कुमालले १४ चौकाको सहायताले १०० रन पूरा गरे। उत्कृष्ट सुरुवात गरेको नेपालले मध्यक्रममा भने लगातार विकेट गुमाएको छ।

ओपनरद्वय अर्जुन कुमाल र अर्जुन साउदबीच ६८ रनको उत्कृष्ट सुरुवात भएको थियो। ३० बलमा ३६ रन बनाएका साउद आउट भएपछि क्रिजमा आएका मध्यक्रमका ब्याटरले खासै रन बनाउन सकेनन्।

तेस्रो नम्बरमा आएका देव खनाल ११ रनमै आउट भएका थिए। त्यसपछि आएका नरेन भट्टले १५ रन बनाए। कप्तान विनोद भण्डारीले मात्र ४ रन बनाएर आउट हुँदा भीम शार्की शून्य रनमै आउट भएका थिए।

त्रिवि क्रिकेट मैदानमा टस जित्दै पहिले ब्याटिङ गरेको आयरल्यान्ड वल्भ्सले निर्धारित ५० ओभरमा ९ विकेट गुमाउँदै २८४ रनको स्कोर थियो। आयरल्यान्डका लागि स्टेफिन दोहेनीले १०७ रनको शतकीय इनिङ्स खेल्दै ठूलो स्कोर बनाउन सहयोग गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सर्लाहीमा मोटरसाइकल एकआपसमा ठोकिँदा २ जनाको मृत्यु

खाल्डोमा जमेको पानीमा डुबेर दुई बालकको मृत्यु

राष्ट्र बैंकको गभर्नरमा विश्व पौडेल नियुक्त