बैतडी- शुक्रबार बिहान बैतडीका पत्रकार कृष्ण विष्ट रेडियोमा समाचार पढ्दै थिए । ट्याक्टर दुर्घटनाको खबर आयो। झौलेकमा ट्याक्टर भएको र दुईजनाको मुत्यु भएकाे पुरा विवरण आउने बाकिँ रहेकाे भनि उनले समाचार पढे ।
८ बजेको समाचारमा उनले दुर्घटनाबारे समाचार पढेका थिए । यसपछि रेडियो स्टेशनबाट करिब ७ किलोमिटर टाढा रहेको घटनास्थलतर्फ उनी मोटरसाइकल चढेर रिपाेर्टिङका लागि पुगे । जब उनी दुुर्घटनास्थल पुगे उनीले कल्पना गरेभन्दा फरक दृश्य देखे ।
पाटन नगरपालिका– ८ खोड्पेमा पर्ने बैतडी–बझाङ सडकको झौलेकमा ट्याक्टर दुर्घटना हुँदा दुईजनाको मृत्यु भएको थियो। विष्ट घटनास्थल पुगेको करिब १० मिनेटसम्म मृतकबारे बेखबर थिए। घटनास्थलमा गए, फोटो खिचे अनि भिडीयो पनि बनाए ।
मुख्य सडकमा आउने समयमा बिष्टले एकजना स्थानीयले फोनमा भएको कुराकानी सुने मुसेबाट त्यो ट्याक्टरमा ठेकेदार पनि चढेका थिए । उनले याे श्वर धमिलाे रुपमा सुने ।
तर जब उनी घटनाकाे विबरण लिन पुगे मृतकमा आफ्नै बुबाकाे नाम देखे । सडकभन्दा ५० मिटर तल पल्टिरहेको ट्याक्टरसँगैको शवको सनाखत हुँदा मृतक पत्रकार विष्टका आफ्नै बुबा रहेको खुल्यो।
रेडियो सेभेन स्टारमा कार्यरत पत्रकार विष्ट अन्नपूर्ण दैनिक र एपी वान टेलिभिजनका बैतडी समाचारदाताा हुन्।
‘ समाचार सकेर उनी घटनास्थलतर्फ गएका थिए । ’ विष्टका अर्का सहकर्मी डम्बर बाबु बोहाराले भने, म सरसफाई गर्ने रुम गए‘पछि थाहा भयो दुर्घटनामा विष्टले आफ्नै बुबा गुमाए छन्।’
समाचार ब्रेक गर्न हतारहतार घटनास्थल पुगेका विष्टले दुर्घटनामा बुबा गुमाएको थाहा पाएपछि समाचार लेख्न छाडेर भक्कानिए। केही समय उनलाई सम्हाल्नै गाह्रो भएको सहकर्मी बोहराले बताए।
पाटन नगरपालिका– ८ को झौलेकमा बिहीबार राति से २ त ३६७८ नम्बरको ट्याक्टर दुर्घटना भएको थियो। दुर्घटनाको खबर भने शुक्रबार बिहान मात्र थाहा पाएको प्रहरी निरीक्षक नन्दराज जोेशीले बताए। सुर्नयाँ गाउँपालिकाबाट फर्कँदै गरेको ट्याक्टरमा चालक राजेश चौधरीसहित पाटन– १० पनाली बस्ने पत्रकार विष्टका बुबा मानसिंह विष्ट पनि थिए। दुर्घटनामा दुवैजनाको घटनास्थलमै मृत्यु भएको प्रहरीले जनाएको छ। घटनाको कारण खुलेको छैन ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
