काठमाडौं– हार्दिक पान्ड्याको कप्तानीमा रहेको मुम्बई इन्डियन्स इन्डियन प्रिमियर लिग (आईपीएल) २०२४ मा तेस्रो हार व्यहोरेको छ। पाँच पटकको च्याम्पियन मुम्बईले अहिलेसम्म जित हात पार्न सकेको छैन।
सोमबार राति मुम्बई राजस्थान रोयल्ससँग ६ विकेटले पराजित भयो। जारी आईपीएलमा जितविहीन हुनेमा मुम्बइ एक्लो टोली हो। जितको लागि १२६ रनको लक्ष्य राजस्थानले १५.३ ओभरमा ४ विकेट गुमाउँदै पूरा गर्यो।
रियान पराग ३९ बलमा ५ चौका र ३ छक्कासहित ५४ रनमा नट आउट रहे। यशस्वी जैसवाल १०, जस बटलर १४, सन्जु स्यामसन १३ र रविचन्द्रन आश्विन १६ रनमा आउट भए। मुम्बइका क्वेना मफकाले १ र आकाश मधवालले ३ विकेट लिए।
त्यसअघि घरेलु मैदान वानखडेमा टस हारेर पहिला ब्याटिङको निम्तो पाएको मुम्बईले २० ओभरमा ९ विकेट गुमाउँदै १२५ रन बनाएको थियो। मुम्बईका कप्तान हार्दिकले २१ बलमा ६ चौकासहित सर्वाधिक ३४ रन बनाए। तिलक बर्मा २९ बलमा २ छक्कासहित ३२ रन बनाए।
इशान किशन १६, रोहित शर्मा, डेवाल्ड ब्रेभिस र नमन धिर शून्यमा आउट भए। पीयूष चवाला ३ र टिम डेविड १७ रन बनाए।
राजस्थान रोयल्सका ट्रेन्ट बोल्टले ४ ओभरमा २२ रन खर्चेर ३ विकेट लिए। युजभेन्द्र चहलले ४ ओभरमा ११ रन खर्चेर ३ विकेट लिए। नाद्रे बर्गर २ र आवेश खानले १ विकेट लिए।
यस सिजन देखि रोहित शर्मालाई हटाउँदै हार्दिकलाई मुम्बईले कप्तानको रुपमा फर्काएको थियो। गुजरात टाइटन्स छाडेर मुम्बई आएका हार्दिकको भारतीय क्रिकेटमा चर्को आलोचना भएको छ।
आईपीएलमा आज बेंग्लोर र लखनउबीच खेल हुनेछ। राजस्थान ३ खेलमा ६ अंकका साथ शीर्ष स्थानमा छ। कोलकाता २ खेलमा ४ अंकका साथ दोस्रो स्थानमा छ। चेन्नाइ ३ खेलमा ४ अंकका साथ तेस्रो स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
