काठमाडौं– नेपालले सोमबार भूटानमाथि ३–० को जित निकाल्दै घरेलु मैदानमा जारी साफ यु–१६ महिला साफ च्याम्पियनसिपमा पहिलो सफलता निकालेको छ।
यसअघि नेपालले पहिलो खेलमा बंगलादेशसँग २–० को हारसँगै साफ यु–१६ महिला च्याम्पियनसिपको सुरुवात गरेको थियो। सोमबार कमजोर प्रतिद्वन्दी भूटानविरुद्ध भने नेपालले सहज जित निकाल्यो।
भूटानले पहिलो खेलमा भारतसँग ७–० ले नतिजा सुम्पिएको थियो। सोमबार सातदोबाटोस्थित एन्फा कम्प्लेक्समा पनि पाहुना टोली भूटानले हार व्यहोर्यो।
नेपालको जितमा पूजा गिरी, कप्तान भूमिका बुढाथोकी र ज्ञान्सु डोल्मा लोले गोल गरे। यो जितसँगै दुई खेलबाट नेपालले तीन अंक जोड्यो र फाइनल सम्भावनालाई जीवितै राखेको छ।
लगातार हारपछि भुटानको भने फाइनल सम्भावना सकिएको छ। अब नेपालले बिहीबार भारत तथा भूटानले शुक्रबार बंगलादेशको सामना गर्नेछन्। त्यसअघि मंगलवार बंगलादेश र भारतबीचको खेल हुनेछ।
चार राष्ट्रको प्रतिष्पर्धा रहेको साफ यु–१६ नेपालमा शुक्रबारदेखि सुरु भएको हो। बंगलादेशले एक खेलबाट तीन अंक जोड्दा समान खेलबाट भारतको पनि तीन अंक नै छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
