काठमाडौं– नेपालमा जारी त्रिकोणात्मक टी–२० अन्तर्राष्ट्रिय सिरिजको फाइनल नेपाल र नेदरल्यान्ड्सबीच हुने भएको छ।
आइतबार नामिबिया र नेदरल्यान्ड्सबीचको खेल वर्षाले रोकिएपछि दुवै टिमले अंक बाँडेका छन्। यससँगै फाइनलको समीकरण तयार भएको हो।
१५ ओभरमा नामिबियाले ४ विकेटको क्षतिमा ९८ रन बनाएको अवस्थामा वर्षा सुरु भएको थियो। त्यसपछि खेल सम्भव नभएपछि दुवै टोलीले एक–एक अङ्क बाँडेका हुन्। ४ खेलपछि नेदरल्यान्ड्स ५ अङ्कसहित शीर्ष स्थानमा रह्यो। नेपाल ४ अङ्कसहित दोस्रो स्थानमा छ। नामिबिया ३ अङ्कसहित तेस्रो स्थानमा सीमित बन्यो।
टियु अन्तर्राष्ट्रिय क्रिकेट मैदानमा मंगलबार फाइनल खेल नेपाल र नेदरल्यान्ड्सबीच हुनेछ। नेपालले सुरुवाती दुई खेल हारे पनि पछिल्ला दुई खेल लगातार जितेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
