कार्यपालिका र न्यायपालिका संसद्‌माथि हावी भए देश बन्दैनः उपसभामुख राना

राजनीति

नेपाल लाइभ शुक्रबार, फागुन १८, २०८० १९:४५

काठमाडौं– प्रतिनिधि सभाकी उपसभामुख इन्दिरा रानाले कार्यपालिका र न्यायपालिका संसद्‌माथि हावी भए देश नबन्ने बताएकी छिन्।

शुक्रबार प्रतिनिधि सभा बैठकपछि सञ्चारकर्मीहरुसँग संक्षिप्त कुराकानी गर्दै उपसभामुख रानाले संसदमाथि कार्यपालिका र न्यायपालिका हाबी भएमा देश नबन्ने बताएकी हुन्।

उनले सत्तारुढ पार्टी र प्रतिपक्ष पार्टी मिलेर जनताको हितमा काम गर्नुपर्ने बताइन्। कुनैपनि पार्टीगत स्वार्थमा काम गर्न नहुने बताउँदै उनले संसद्‌बाट राम्रो कानुन र नीति निर्माण हुनुपर्नेमा जोड दिइन्।

उपसभामुख रानाले शक्ति हुनेको ठाउँमा मात्रै विकास जाने कुरा नभई सबै ठाउँमा विकास जानुपर्ने बताउँदै विकास निर्माणको काममा विकट क्षेत्रलाई पहिलो प्राथमिकता दिनुपर्नेमा जोड दिइन्।

उनले लघुवित्त पीडितहरुको माग समयमै पूरा हुनुपर्ने उल्लेख गर्दै उनीहरु पनि आन्दोलनका क्रममा नियम, कानून र अनुशासनमा बस्नुपर्ने बताइन्। निषेधित ठाउँमा आन्दोलनकारी जान नहुने उनको भनाइ थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

माओवादीले फेर्‍यो मधेश र वाग्मती इन्चार्ज

सिंहदरबार प्लास्टिकमुक्त भयो: वन मन्त्री शाही

मधेश केन्द्रित ८ दलले भने- यो मोर्चा सरकारविरुद्ध होइन