काठमाडौं- त्रिकोणात्मक टी-२० सिरिज अन्तर्गत नेदरल्यान्ड्स विरुद्धको खेलमा नेपालले टस जितेर पहिले फिल्डिङ गर्ने निर्णय गरेको छ। टसमा नेपालका कप्तान रोहित पौडेलले जितेर पहिला फिल्डिङ गर्ने निर्णय लिएका हुन्।
खेल अहिले बिहान साढे ११ बजे त्रिवि क्रिकेट मैदान कीर्तिपुरमा सुरु हुँदैछ। आजको खेलमा नेपालले दुई परिवर्तन गरेको छ। ललित राजवंशी र प्रजिश जिसी आज नेपालको प्लेइङ ११ मा छन्। अभिनाश बोहरा र विवेक यादव बेन्चमा छन्।
मंगलबार भएको खेलमा नेपाल नामिबियासँग २० रनले पराजित भएको थियो। २०७ रनको विशाल लक्ष्य पाएको नेपालले १९ ओभर खेल्दै १८६ रन बनाएको थियो। हिजो खेलमा नामिबियाका लोफ्टी एटनले कीर्तिमानी शतक बनाएका थिए। उनले ३३ बलमा सय रन पूरा गर्दै टी-२० मा छिटो सतक बनाउने नेपालका कुशल मल्लको रेकर्ड तोडेका थिए।
फाइनल पुग्न नेपाललाई आजको खेल जित्नैपर्ने दबाब छ। तर नेदरल्यान्ड्स निकै बलियो टोली भएकोले नेपालले सम्हालिएर खेल्नुपर्नेछ।
नेपाल र नेदरल्यान्ड्सबीच हालसम्म टी-२० आई खेलमा ९ खेल भएका छन्। समान ४ खेलमा जित र हार नेपालले व्यहोरेको छ। एक खेल वर्षाको कारण रद्द भएको थियो।
पछिल्लो पटक नेदरल्यान्ड्स र नेपालबीच टीयुमा त्रिकोणात्मक सिरिजमा २०२१ मा तीन खेल भएका थिए। नेपाल फाइनलसहित दुई खेलमा विजयी भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1774336446-1774337130.jpeg)
-1764146706.png)
