काठमाडौं- नेपालको लागि विवाइडी अटोको अधिकृत वितरक सिनेम्याक्स इन्क प्रालिले युएफओ युरो२०२४ को अवसरमा पारी नेपाली अब यूरो कपमा स्किम लिएर आएको छ।
विवाइडी अटोको अधिकृत इ मोविलिटी पार्टनर भएकाले यो स्किमले विवाइडीका फुटबल प्रेमी ग्राहकहरुलाई जर्मनीमा गई प्रत्यक्ष युइएफओ युरो २०२४ का रोमान्चक खेलहरु हेर्ने मौका दिनेछ।
युरो २०२४ जुन १४ देखि जुलाई १४, २०२४ सम्म जर्मनीका दश विश्व–प्रसिद्ध स्टेडियमहरूमा भव्यताका साथ आयोजना गरिँदैछ। यूनियन अफ युरोपियन फुटबल एशोसियसन र न्यू इनर्जी भेहिकलको विश्वमै प्रमुख निर्माता विओवाईडीबीचको यो सम्झौता च्याम्पियनशिपको इतिहासमा पहिलोपटक भएको महत्त्वपूर्ण साझेदारी सम्झौता रहेको दाबी गरिएको छ।
नविन प्रयोग र आविष्कारका साथ आफ्ना ग्राहकवर्गको सन्तुष्टिमा सदैव प्रतिबद्ध सिनेम्याक्सका अनुसार ११ भाग्यशाली विजेताहरुले युरो २०२४ मा आफैं उपस्थित भई फुटबल खेलको प्रत्यक्ष रूपमा मनोरन्जन लिने अवसर पाउनेछन्। यस स्किमद्वारा आफ्ना ग्राहकहरूलाई फुटबलको यो प्रतिष्ठित महोत्सवको प्रत्यक्ष अनुभव गर्ने एक अविस्मरणीय अनुभव प्रदान गर्ने लक्ष्य राखेको बताएको छ।
सिनेम्याक्स विद्युतीय सवारीसाधनको क्षेत्रमा उत्कृष्टता र नवीनतालाई प्रेरित गर्दै आफ्ना ग्राहकहरुलाई अविस्मरणीय अनुभव प्रदान गर्न सदैव प्रतिबद्ध रहेको छ। युरोकप २०२४ को स्किमले, पनि कम्पनीको ग्राहकवर्गको सन्तुष्टिप्रतिको समर्पण र फुटबल खेल प्रतिको मोह दर्साउँछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
